Il nudo e il morto (film)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Naked and the Dead
Il nudo e il morto
Nudo e il morto.png
Aldo Ray in na figùra dal film
Al nûd e 'l mòrt
1958
Regia: Raoul Walsh
Scritùr: Denis Sanders
Terry Sanders • Norman Mailer
Atùr: Aldo RayCliff RobertsonBarbara Nichols
Raymond MasseyLili St. CyrWilliam Campbell
Müsica: Bernard Herrmann
Lengua: IngléśGiapunéś
Dürä dal film: 131 minüt
Nasiòṅ: Stat Unî


«
In dla vita 'd 'n óm, almànc na dóna almànc na guèra.»
(Tagline dal film)


Il nudo e il morto (Al nûd e 'l mòrt) 'l è 'n film dramàtic americàṅ dal 1958 ad Raoul Walsh trat da 'l rumànś umònim ad Norman Mailer.

'L è stâ girâ a Pànama druànd anc duśènt-sinquànta suldâ americàṅ.

Sunt

Durànt la secónda guèra mundiàla un repàrt di marines al gh'à da 'ndàr a cumbàtar su n'ìśula dal Pasìfic in maṅ a i giapunéś. Un plutòṅ cmandâ p'r al sergînt Sam Croft (Aldo Ray) al fà parśunēr soquànt nemìg e Sam, ch'al gh'à in dla suca 'l ciòld fis ad vìnsar e ch'l è anc dimóndi dûr c'n i suo, 'l in masa òṅ anc par purtàr-ag via i sò dènt 'd òr che pò al tîṅ dacàt in un sactèṅ. Al tenènt Robert Hearn (Cliff Robertson), ch'al n s cumpatìs pròpria briśa 'l sò sadìśum, 'l al férma prima ch'al faga masàr tut chi àtar.

Hearn 'l è tratâ dimóndi bèṅ, dagnóra cuma 'n fiōl, da 'l generàł Cummings (Raymond Massey) che però al gh'à l'idéa che chi cmanda al gh'à da tgnir schis i sò suldâ, far-'g anc paùra par rinfursàr la sò dusiplìna e far in manéra ch'i ubidìsan sèmpar. Al tenènt al n la pénsa minga cumpàgna, par lò 'l è impurtànt che tut i militàr i gh'àppian rispèt 'l un cun c'l àtar, a n è minga impurtànt al grâd. Cummings al n la tōś minga tant bèṅ e 'l decìd ad dar-ag na lesiòṅ faghénd-ag tiràr śò la pólvra dapartùt e custrinśénd-al a purtàr-ag tut i dè di fiōr frésc, pò 'l al manda insém a Sam e a i sò óm in na misiòṅ cun dal perìcul in dla furèsta cónt'r i giapunéś.

Culegamènt estéran