Il mostro dell'obitorio
|
C'l artìcul chè 'l è scrit in
Miranduléś |
 El jorobado de la Morgue
| ||
| Il mostro dell'obitorio | ||
 La Yanni e Paul Naschy in na figùra dal film | ||
| Al móstar d'l ubitòri 1973 | ||
|---|---|---|
| Regìa: Javier Aguirre | ||
| Scritōr: Javier Aguirre Alberto S. Insúa • Paul Naschy | ||
| Atōr: Paul Naschy • Rosanna Yanni • Kino Pueyo Víctor Barrera • María Elena Arpón • Antonio Pica Alberto Dalbés • Maria Perschy • Manuel de Blas | ||
| Müsica: Carmelo A. Bernaola | ||
| Léngua: Spagnōl | ||
| Dürä dal film: 87 minüt | ||
| Nasiōṅ: Spaggna | ||
Il mostro dell'obitorio (Al móstar d'l ubitòri) 'l è 'n film ad scarésa dal 1973 ad Javier Aguirre.
La pelìcula l'è stada giràda a Madrìd e in dal regiòṅ dla Castìglia-La Màcia e dla Catalógna.
Sunt
Gotho (Paul Naschy) 'l è 'n gòb mèś mat ch'al lavóra in d'l ubitòri 'd 'n uśdàł universitàri par cònt dal siensiâ Orla (Alberto Dalbés). Esénd che tut i rìd'n ad lò e i gh daṅ cóntar, al daśgrasiâ al taca a ligàr-as a na śōvna malàda c'n i cavìi biónd ciamàda Ilse (María Elena Arpón) ch'l'è sèmpar gustóśa sèg. 'L óm, inamurâ 'd lē, al gh pòrta 'n fiōr frésc tut i dè ma purtròp la ragàsa la mōr p'r un brut mâł ch'a n gh'è gnint da far.
Gotho al pòrta via 'l sò còrp lugànd-al sót-tèra in un pòst segrét ch'al sà sōl lò in du qvéi dl'Inquiśisiòṅ na vòlta i turturàvan la gint. Al gòb al dmanda a 'l dutōr Orla, ch'al fà di esperimènt su la rigenerasiòṅ di tisû di cadàvar e su la vita artifisiàla insém a 'l sò culaburadōr Tauchner (Víctor Barrera), ad far-la turnàr in vita. Lò al gh rispónd ad sè ma al gh'à biśógn dal sò ajùt p'r avēr di cadàvar frésc par dar da magnàr a na criatùra in vîdar ch'l è drē a tiràr sù tacànd da na cèlula. Inólt'r al trasferìs i sò laburatòri lè sóta parchè i sò esperimènt i èṅ cóntar la léǵ.
Quànd 'l èsar artifisiàł al śmét ad crésar, al dutōr Orla al capìs ch'l è par via 'd un rigèt dònca al dmanda a Gotho ad purtàr-ag dal ragàsi vivi da dar-ag da magnàr, qvéli ch'i stùdian in d'l istitùt dla Frieda (Maria Perschy). Al gòb 'l ubidìs ma quànd 'l ispetōr ad pulisìa (Manuel de Blas) 'l è drē a bcar-al, a salvàr-al a gh pénsa l’Elke (Rosanna Yanni), na dóna inamuràda 'd lò.