Il mio ragazzo è un bastardo

Da Wikipedia.
Jump to navigation Jump to search
Video-x-generic.svg John Tucker Must Die
Il mio ragazzo è un bastardo
Mio ragazzo è un bastardo.png
L'Ashanti, la Snow e Metcalfe in na figùra dal film
Al mè muróś 'l è 'n bastàrd
2006
Regìa: Betty Thomas
Scritōr: Jeff Lowell
Atōr: Jesse MetcalfeBrittany SnowAshanti
Sophia BushArielle KebbelPenn Badgley
Jenny McCarthyFatso-FasanoTaylor Kitsch
Müsica: Richard Gibbs
Léngua: Ingléś
Dürä dal film: 87 minüt
Nasiōṅ: Stat Unî


«
S'ta s mòl a t masém!»
(Tagline dal film)


Il mio ragazzo è un bastardo (Al mè muróś 'l è 'n bastàrd) l'è na cumèdia americàna dal 2006 dla Betty Thomas ch'l'è stada bòna ad rivàr a 'l tèrs pòst di film più vist in di Stat Unî e a 'l prim pòst in Austràglia muciànd sù da piò ad ssant'òt migliòṅ ad dòlar esénd-an custàda sōl daśdòt.

Par cóntar la Jenny McCarthy l'è stada numinàda par vìns'r al prèmi par l'atōra più lòfi a i Razzie Awards dal 2006.

Sunt

La Kate Spencer (Brittany Snow) l'è na ragàsa blina ma 'n pôc ingiangulàda in fat ad muróś parchè la n 'n à mai abû òṅ a 'l cuntràri ad cla “milf” ad sò màdar Lori (Jenny McCarthy) ch'la pasa da 'n óm a c'l àtar ma che pò la n è briśa bòna ad tgnir-'s-i stric. A dir-la tuta a gh sarés un ragàs ch'a gh piàś a la Kate, John Tucker (Jesse Metcalfe), al campiòṅ ad basket dla scōla, al più bèl di masć, cun tut cal dóni ch'i gh śbavś'n adòs. A lò a gh piàś dimóndi cambiàr pèpa da spés e al n s fà minga di prubléma a 'vér più muróśi a la vòlta cuma la capa dal cheerleader Heather Straham (Ashanti), la giurnalìsta televiśìva dla scōla, la Carrie Schaeffer (Arielle Kebbel), e na ragàsa c'n al ciòld fis p'r al magnàr vegetariàṅ, la Beth McIntyre (Sophia Bush).

Quànd al tri studènti i vèn'n a savēr, prima 'd èsar mulàdi, 'd èsar “muróśi in cundumìni” i decìd'n ad vindicàr-as sèg cun 'l ajùt dla Kate ch'la n è incóra stada na sò cunquìsta. Al piàṅ 'l è qvél ad far-'l inamuràr ad lē dabòṅ par pò dascargàr-al sénsa pità cum lò al fà cun cal dóni acsè 'l impàra la lesiòṅ.

Culegamènt estéran