Il medaglione insanguinato
|
C'l artìcul chè 'l è scrit in
Miranduléś |
 Il medaglione insanguinato | ||
 La Nicoletta Elmi in na figùra dal film | ||
| Al mdajòṅ insangvinâ 1975 | ||
|---|---|---|
| Regìa: Massimo Dallamano | ||
| Scritōr: Massimo Dallamano Laura Toscano • Franco Marotta | ||
| Atōr: Richard Johnson • Lila Kedrova • Ida Galli Aristide Caporale • Nicoletta Elmi • Lila Kedrova Dana Ghia • Edmund Purdom • Joanna Cassidy Eleonora Morana • Massimo Dallamano | ||
| Müsica: Stelvio Cipriani | ||
| Léngua: Itagliàṅ | ||
| Dürä dal film: 90 minüt | ||
| Nasiōṅ: Itàglia • Régn Unî | ||
Il medaglione insanguinato (Al mdajòṅ insangvinâ) 'l è 'n film ad scarésa dal 1975 ad Massimo Dallamano girâ in Ùmbria a Spulēt. 'L è stâ preśentâ restaurâ a 'l 62śum Fèstival ad Venèsia p'r arcurdàr al prudutōr Fulvio Lucisano.
A 'l èstar 'l è cgnusû cuma “El medallón ensangrentado” in Spaggna, “Emilie, l'enfant des ténèbres” in Frància e “The Cursed Medallion” in di Stat Unî.
Sunt
[mudéfica la surzéia]Al regìsta televiśìṿ ingléś Michael Williams (Richard Johnson) 'l armàgn véduv dòp che sò mujér la mōr in 'n inséndi. Par daśmindgàr al fat e par giràr un ducumentàri par la BBC al riva in Itàglia a Spulēt insém a la sò putìna Emily (Nicoletta Elmi) e a la sò badànta Jill (Ida Galli) par tiràr śò di quàdar demunìac dal tèmp d'l Arnasimènt ch'i s càtan in na vila antìga dal pòst dla cuntésa Cappelli (Lila Kedrova). A gh 'n è òṅ in partuculàr in dua a s véd dal ragasōli insém a 'l Diàvul.
Quànd 'l è là però sò fiōla, ch'la pòrta a 'l còl un mdajòṅ ch'l éra 'd sò màdar, la taca a dvintàr istèrica o anc pèś. Quànd pò la segretària dla prudusiòṅ, la Joanna Morgan (Joanna Cassidy), la s davśìna a sò pàdar, lē la và śò 'd mat.