Il macellaio
|
C'l artìcul chè 'l è scrit in
Miranduléś |
 Il macellaio
| ||
 L'Alba Parietti in na figùra dal film | ||
| Al pcar 1998 | ||
|---|---|---|
| Regìa: Aurelio Grimaldi | ||
| Scritōr: Aurelio Grimaldi | ||
| Atōr: Alba Parietti • Miki Manojlović • Giulio Base Lorenzo Majnoni • Rosa Pianeta • Cinzia Insinga Alessandra Costanzo • Caterina Vertova | ||
| Müsica: Maria Soldatini | ||
| Léngua: Itagliàṅ | ||
| Dürä dal film: 89 minüt | ||
| Nasiōṅ: Itàglia | ||
Il macellaio (Al pcar) 'l è 'n drama eròtic dal 1998 'd Aurelio Grimaldi trat in na manéra libra da 'l rumànś “Le Boucher” dl'Alina Reyes.
Sunt
L’Alina (Alba Parietti) la viṿ a Palèrum in dua la fà la diretōra dna galerìa 'd art. L'è spuśàda c'n al diretōr 'd urchèstra Daniele (Lorenzo Majnoni) ch'l è spés via par lavōr. I dū i n gh'aṅ minga di putèṅ parchè la còpia la n in pōl briśa avér e alóra i pèns'n ad tur-'n òṅ in adusiòṅ.
Un dè la dóna la gh'à 'n mancamènt méntar l'éra drē a guardàr di diségn. Al dutōr al gh dìś ch'l'è 'n pôc anèmica dònca al gh cunsìlia ad magnàr da spés dla carna par far sù dal fèr in dal sangṿ. L’Alina la taca acsè a 'ndàr in dla butéga ad Bruno (Miki Manojlović), un pcar ch'a gh piàś far dimóndi dal batùdi cun di dópi sèns a 'l sò cliènti dóni. Quànd l’Alina la 'l véd gusàr in na manéra salvàdga la caséra (Rosa Pianeta) in dla sèla in du al tîṅ a 'l frésc la carna la capìs ch'al sèns ad vōd ch'la gh'à 'd dèntar sōl lò 'l al pōl impinìr cum a s dév. E 'l è qvél ch'a sucéd dabòṅ parchè i dū i s amprufìtan dal fat che Daniele al sia via par ciulàr cuma dū malnét stramnànd-'s adòs dal yogurt da lcar.