Il libro della giungla (film 1967)
|
C'l artìcul chè 'l è scrit in
Miranduléś |
 The Jungle Book
| ||
| Il libro della giungla | ||
.png) Kaa e Mowgli in na figùra dal film | ||
| Al lìb'r ad dla giùngla 1967 | ||
|---|---|---|
| Scritōr: Rudyard Kipling | ||
| Regìa: Wolfgang Reitherman | ||
| Senegiadùra: Larry Clemmons • Ralph Wright Ken Anderson • Vance Gerry | ||
| Personâǵ: Mowgli • Bagheera • Baloo • Kaa Shere Khan • Rè Gigét • Culunèl Hathi Guendalìna • Junior • Flaps • Ziggy • Dizzy | ||
| Mùśica: George Bruns | ||
| Durèda dal cartòun: 78 minût | ||
| Lengua: Ingléś | ||
| Nasiòun/Paēś: Stat Unî | ||
Il libro della giungla (Al lìb'r ad dla giùngla) 'l è 'n cartòṅ animâ dal 1967 disgnâ e prodòt par l'americàna Walt Disney Productions, vgnû pò fóra col tradusiòṅ anc in dal rèst dal mónd. 'L è trat da 'n lìbar dal 1894 ad Rudyard Kipling e 'l è 'l 19śum film dla série di Clàsic Disney.
In séguit la Disney l'à fat 'n arfacimènt live-action in dal 1994 da 'l tìtul Mowgli - Il libro della giungla e 'n séguit animâ in dal 2003 ciamâ Il libro della giungla 2. In dal 2016 'l è vgnû fóra anc un film ìbrid dirèt par Jon Favreau, Il libro della giungla.
In dal culòna sunóra dal film al pitòṅ Kaa al canta 'l braṅ ipnòtig Trust In Me (Confida in me in itagliàṅ), pès pò cantâ anc da la Selena Gomez e da Siouxsie and the Banshees in dal sò àlbum ad cover dal 1987 Through the Looking Glass.
Sunt
Méntar l'è drē a giràr par la giùngla indiàna, la pantéra négra Bagheera un dè la cata 'n putèṅ péna nâ dènt'r a na sésta. La bèstia la decìd ad purtàr-al da la Raksha, na lóva ch'l'à péna abû di fiōi, e chi lē la decìd ad tiràr-al sù insém a 'l sò cumpàgn Rama dand-'g al nóm ad Mowgli. Al baghét acsè al crés insém a i sò nóṿ fradlèṅ.
Déś an dòp al Cunsìli di lóv al vîṅ a savēr che la tigra Shere Khan la vrév masàr Mowgli parchè la gh'à in òdi i ès'r umàṅ ch'i impìsan di fōg che lē la gh'à paùra. Par la sicurésa dal branc al cap di lóv, Akela, al preténd che Mowgli al vaga via da la giùngla e Bagheera al s śibìs ad jutàr-'l a rivàr a 'l vilàǵ di óm. Esénd nòt i dū i tàc'n a punsàr su na piànta quànd a 'l impruvìś a riva lè 'n pitòṅ ciamâ Kaa ch'al vrév magnàr al ragasōl cantànd-ag na cansòṅ p'r ipnutiśàr-al. Par furtùna a s mét in mèś Bagheera e Mowgli al gh la cava a far crudàr śò da 'l àrbul al sarpènt.
La matìna dòp Mowgli al s déśda sintènd un grup 'd elefànt, guidâ p'r al culunèl Hathi e par sò mujēr, la Guendalìna. Al mòla Bagheera par far amicìsia cun 'l elefantèṅ Junior pò al và via da par lò catànd lung la via 'l ōrs Baloo ch'al gh diś ch'al pōl armàgnar sèg invéci ch'andàr cun di àt'r umàṅ a 'l vilàǵ.
A pasa pôc tèmp però ch'un grup ad simi 'l al rapìs par purtàr-al da 'l sò cap uràng, al rè Gigét. Chi lò al s śibìs ad jutàr-'l a pat che lò al gh diga cum a s fà a impisàr al fōg, un quèl che però Mowgli al n sà minga far.