Il futuro

Da Wikipedia.

C'l artìcul chè 'l è scrit in Miranduléś Emiliàn

Il futuro

Vaporidis, la Martelli e Giallocosta
in na figùra dal film
Al futûr
2013
Regìa: Alicia Scherson
Scritōr: Roberto Bolaño • Alicia Scherson
Atōr: Manuela MartelliAlessandro Giallocosta
Luigi CiardoRutger HauerNicolas Vaporidis
Daniela PipernoPino CalabreseAlice Fritti
Müsica: Pablo Cervantes
Caroline Chaspoul • Eduardo Henríquez
Léngua: ItagliàṅSpagnōlIngléś
Dürä dal film: 94 minüt
Nasiōṅ: ItàgliaCîlGermàgnaSpaggna


Il futuro (Al futûr) 'l è 'n film dramàtic dal 2013 dl'Alicia Scherson trat da 'l rumànś „Un rumanśèṅ canàja“ ad Roberto Bolaño.

La pelìcula l'è stada preśentàda a 'l Sundance Film Festival dal 2013.

Sunt

Tomás (Luigi Ciardo) e la Bianca (Manuela Martelli), fradèl e surèla, i èṅ dū śōvan cilèṅ ch'i vìv'n in Itàglia insém a i sò genitōr. Quànd qvist chè i mōr'n in 'n incidènt in màchina, i dū ragàs i gh'aṅ da inśgnàr-as par scampàr. La Bianca, ch'la gh'à daśnóṿ an, la cata lavōr da paruchéra cuma aprendìsta méntar Tomás al taca a frequentàr na palèstra in du al cgnós dū ragàs personal trainer dit Al Lìbic (Nicolas Vaporidis) e Al Bulgnéś (Alessandro Giallocosta). I dū istrutōr, esénd sénsa 'n pòst in du vìvar, i vàn'n a star da la Bianca faghénd in cambi di lavursèṅ in cà ma pò i tàc'n anc a far sès sèg.

Un dè chi lōr i cònt'n a la Bianca un piàṅ ch'i aṅ traplâ par fargàr na vècia glòria di film peplum di an Ssanta, un cliènt òrub dla sò palèstra dit Maciste (Rutger Hauer). La ragàsa la gh'à d'andàr-'g a lèt e, in dal méntar ch'la s cata in dla sò vila, catàr i bèsi ch'a s diś al téggna lugâ da na quàlc banda par fargàr-'g-i. Al tèmp al pasa e la Bianca la cuntìnua a frequentàr 'l atōr ma la n s decìd minga a pascàr la casafòrt.

Culegamènt estéran