Il dittatore

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Dictator
Il dittatore
Dittatore.png
Sacha Baron Cohen in na figùra dal film
Al ditadōr
2012
Regia: Larry Charles
Scritùr: Sacha Baron Cohen
Alec Berg • David Mandel • Jeff Schaffer
Atùr: Sacha Baron CohenBen Kingsley
Anna FarisJohn C. ReillyMegan Fox
Edward NortonChris ElliottKevin Corrigan
Müsica: Erran Baron Cohen
Lengua: IngléśEbràicÀrab
Dürä dal film: 83 minüt
Nasiòṅ: Stat Unî


«
Gh'arà't un masć o 'n abòrt?»


Il dittatore (Al ditadōr) l'è na cumèdia americàna dal 2012 ad Larry Charles.

La pelìcula l'è stada bòna 'd muciàr sù sènt-stantanóṿ migliòṅ ad dòlar dòp ès'r-an custàda ssanta-sinc.

Sunt

Hafez Aladeen (Sacha Baron Cohen) 'l è 'n generàł àrab ch'al cmanda da ditadōr in dal stat africàṅ imaginàri dal Wadiya, cun di cumpurtamènt da ragasōl visiâ. Al dróa i sò bèsi par gusàr-'s al dóni più bèli dal mónd, cuma l'atōra Megan Fox (Megan Fox), e par far na vita da sgnōr. Par difénd'r-as da gl'atintâ al dróa dal cóntar-figùri e quànd qualchidòṅ di sò culaburadōr al próa a dar-ag cóntar o al fà di śbali sèg, lò al li cundàna a mòrt anc s'al n sà minga che chi dasfurtunâ lè i n finìsan pò minga in dla fòsa ma i scàp'n invéci in di Stat Unî in du i s śònt'n a 'n grup 'd upuśidōr.

Cunvucâ a 'l O.N.U. par réndar cònt dal fat ch'al n parmét briśa a di ispetōr internasiunài ad dar 'n òć a i sò armamènt nucleàr, prugèt in càr'g a 'l siensiâ Nadal (Jason Mantzoukas), chi lò al gira in paràda a New York in camèl ma, na vòlta rivâ in albêrg, al vîṅ sequestrâ da 'n tisi ciamâ Clayton (John C. Reilly), un sicàri pagâ da sò sîṅ Tamir (Ben Kingsley) ch'al vrév purtàr la demucrasìa in dal sò paéś ma anc far di afâr vindénd al petròli a 'l èstar.

Dòp avēr-'g-la cavàda a scapàr via, sénsa più barba in dal grugn, Aladeen al s rénd cònt che Tamir al vrév rimpiasàr-al c'n un sò sòśia par firmàr na custitusiòṅ demucràtica in dal Palàs ad Vēdar. Scambiâ pò p'r un pròfug strasòṅ, al ditatōr al cata lavōr da la Zoey (Anna Faris), n'ativìsta 'd sinìstra ch'la s dà da far par jutàr i furastēr buletàri.

Culegamènt estéran