Il codice (film)
|
C'l artìcul chè 'l è scrit in
Miranduléś |
 La mentale
| ||
| Il codice | ||
.png) Le Bihan e Samy Naceri in na figùra dal film | ||
| Al códas 2002 | ||
|---|---|---|
| Regìa: Manuel Boursinhac | ||
| Scritōr: Bibi Naceri • Manuel Boursinhac | ||
| Atōr: Samuel Le Bihan • Michel Duchaussoy Samy Naceri • Clotilde Courau • Marie Guillard Francis Renaud • Philippe Nahon • Bibi Naceri | ||
| Müsica: Thierry Robin | ||
| Léngua: Francés • Àrab • Spagnōl | ||
| Dürä dal film: 116 minüt | ||
| Nasiōṅ: Frància | ||
Il codice (Al códas) 'l è 'n film dramàtic 'd asiòṅ francéś dal 2002 ad Manuel Boursinhac.
Sunt
Dris (Samuel Le Bihan) 'l è 'n làdar francéś cun di urìgini àrabi. Dòp avēr pasâ quàt'r an in parśòṅ, al próa a 'rfàr-as na vita laurànd in un marcâ dla fruta e stand insém a la sò dóna, la Lise (Marie Guillard), ch'la spéta 'n putèṅ da lò e ch'la vōl far-al rigàr drit. Un dè 'l incróśa par strada par caś un sò cuśèṅ delinquènt, Yanis (Samy Naceri), franc-àrab cuma lò, ch'al vrév ch'al turnìs in dal gir ch'a gh'è da far un cōlp a 'n furgunsèṅ pòrta-bèsi. Par cunvìs'r-al méj, Yanis al s fà jutàr par la Nina (Clotilde Courau), na nina sigàgna che na vòlta la gh'iva na stòria sèg.
Dris al gh astà e in cal méntar al difénd anc sò fradèl più śōvan Mel (David Saracino) da Marco (Thierry Perkins-Lyautey), un traficànt ad dròga ch'l iva dâ dal bòti a 'l sò amìg José (Adrien Saint-Joré) ch'insém a lò al s éra mis a spaciàr d'l hashish in un sit cuntrulâ da lò. Adès ch'i pōl'n alvàr la crésta, Mel e José i s métan 'd acòrd c'n al boss Fèche (Michel Duchaussoy) par traspurtàr un càr'g ad dròga par sò cònt. Da 'l cant suo Dris, insém a Yanis, a Simon (Philippe Nahon), a Niglo (Francis Renaud), a Foued (Lucien Jean-Baptiste) e a Grib (Frédéric Pellegeay), 'l è prònt a tintàr la rapìna a 'l furgòṅ pòrta-valōr.