Il cervello che non voleva morire
|
C'l artìcul chè 'l è scrit in
Miranduléś |
 The Brain That Wouldn't Die
| ||
| Il cervello che non voleva morire | ||
 La Virginia Leith in na figùra dal film | ||
| Al sarvèl ch'al n vliva briśa murìr 1962 | ||
|---|---|---|
| Regìa: Joseph Green | ||
| Scritōr: Rex Carlton • Joseph Green | ||
| Atōr: Jason Evers • Virginia Leith • Doris Brent Anthony La Penna • Bonnie Sharie • Bruce Kerr Marilyn Hanold • Bruce Brighton • Paula Morris Arny Freeman • Fred Martin • Audrey Devereau Adele Lamont • Lola Mason • Sammy Petrillo | ||
| Müsica: Abe Baker • Tony Restaino | ||
| Léngua: Ingléś | ||
| Dürä dal film: 82 minüt | ||
| Nasiōṅ: Stat Unî | ||
Il cervello che non voleva morire (Al sarvèl ch'al n vliva briśa murìr) 'l è 'n film ad scarésa dal 1962, girâ in biànc e négar, ad Joseph Green ch'al 'l à scrit insém a Rex Carlton. 'L è stâ girâ c'n un budget stimâ ad ssanta-dumìla dòlar.
La pelìcula l'è dvintàda 'd dumìni pùblic in di Stat Unî.
Sunt
Al dutōr Bill Cortner (Jason Evers) 'l è 'n cirùśig 'd New York specialiśâ in trapiànt esénd ch'l à mis a punt na sustànsa ch'l'è bòna 'd cumbàt'r al rigèt di òrgan.
Un dè al salva 'n pasiènt 'd sò pàdar (Bruce Brighton), dichiarâ mòrt a 'l prònt sucōrs, faghénd-ag dal scarghi elètrichi diretamènt in dal sarvèl dòp avēr-ag vèrt al crani, un quèl minga dal tut parmés da i manuài 'd madśìna ma che lò 'l fà listés parchè al n s fà minga di prubléma quànd a s trata 'd avēr di sucès in dal sò àmbit.
In séguit al mèdag al gh'à 'n brut incidènt in màchina in du lò al n s fà gnint a 'l cuntràri dla sò muróśa, la Jan Compton (Virginia Leith), ch'in dal ciòc a gh s dastàca la tèsta.
Bill 'l è davśèṅ a cà e 'l fà in tèmp a culegàr-la a di machinàri ch'al gh'à in laburatòri par tgnir-la in vita.
'L óm 'l è sicûr ad psēr tacàr al sò cô a 'l còrp dn'atra dóna anc se lē la preferirév murìr. Bill al taca acsè a 'ndàr a pascàr dal bèli dóni in gir par psēr tajàr-ag via la tèsta e far al trapiànt cun qvél dla sò muróśa méntar lē, da par lē su 'n tàvul in laburatòri, la próa a dascórar c'n un móstar (Eddie Carmel) fat da 'l cirùśig miténd insém di pès difarènt ad cadàvar.
Al daśgrasiâ 'l è stâ mis dènt'r a na cambra saràda a ciàṿ parchè 'l è dimóndi periculóś. Finalmènt Bill al cata la dóna giùsta, na mudèla ciamàda Doris Powell (Adele Lamont) ch'la s è scutàda in ghigna tant ch'a gh'è armàś un brut ségn che lē la ténd a quaciàr c'n i cavìi.
Cun la scuśa 'd studiàr al sò caś par n'uperasiòṅ ad plàstica a la pèl, 'l óm al la cunvìns a vgnir a cà sua, pò al gh dà dla śdòrmia par psēr druàr al sò còrp.