Il caso Trafford

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Quest for Love
Il caso Trafford
Caso Trafford.png
La Joan Collins e Tom Bell in na figùra dal film
Al caś Trafford
1971
Regia: Ralph Thomas
Scritùr: Terence Feely • John Wyndham
Atùr: Joan CollinsTom BellLaurence Naismith
Denholm ElliottGeraldine MoffatDavid Weston
Müsica: Eric Rogers
Lengua: Ingléś
Dürä dal film: 87 minüt
Nasiòṅ: Régn Unî


«
Lò al l'iva vduda, sintî al sò tucàdi, al saìva ch'l'eśistìva.»
(Tagline dal film)


Il caso Trafford (Al caś Trafford) 'l è 'n drama fantasientìfig britànic dal 1971 ad Ralph Thomas trat da 'n racònt cic dal 1954 ad John Wyndham da 'l tìtul „Random Quest“.

Sunt

Méntar 'l è drē a far véd'r a 'l sò amìg Tom Lewis (Denholm Elliott) e a Sir Henry Larnstein (Laurence Naismith) al funsiunamènt 'd un sò aparéć, 'n aseleradōr ad partisèli, al fìśig Colin Trafford (Tom Bell) 'l è vitma 'd 'n incidènt parchè quèl a và mâł durànt 'l esperimènt.

Quànd al s déśda 'l òm al n s arcòrda più gnint, a gh pâr ad vìvar 'n arbgàt parchè al s cata in un mónd difarènt da 'l suo, in du lò 'l è 'n scritōr spuśâ cun n'èx balarìna ciamàda Ottilie Harsham (Joan Collins). Chi lē, stufa 'd tut i sò tradimènt e dal sò visi par la butìglia, la vrév divursiàr ma Colin al s inamóra dabòṅ 'd lē, sicûr 'd èsar drē a vìvar la situasiòn dal „binàri dópi“, praticamènt na vita paraléla a la sua. Quànd al ròbi fra i dū i s giùstan, al siensiâ al vîṅ a savēr che la Ottilie la gh'à 'n brut mâł a 'l cōr e ch'a gh armàgn pôc da scampàr. Quànd la dóna la mōr fra i sò bras, Colin al s déśda da 'l còma in du 'l éra finî dòp 'l incidènt.

Dascurénd dla Ottilie cun Tom, chi lò al gh diś ch'l'è stada sōl 'n insùni ma Colin 'l è invéci dl'idéa che la dóna l'eśìsta dabòṅ. Pascànd-la c'n al cugnóm Fletcher di sò arcòrd, Trafford al riva a savēr ch'a gh'è na sèrta Tracy (Joan Collins) ch'al fà l'hostess e ch'la prév ès'r al dópi dla Ottilie in dal sò mónd.

Al siensiâ al s mét a pascàr-la parchè al vōl ch'la faga 'n intervènt a 'l cōr par salvàr-as prima ch'a sia tròp tard.

Culegamènt estéran