Il buio macchiato di rosso

Da Wikipedia.

C'l artìcul chè 'l è scrit in Miranduléś Emiliàn

Craze
Il buio macchiato di rosso

Chuku, Palance e la Day in na figùra dal film
Al scûr maciâ 'd rós
1974
Regìa: Freddie Francis
Scritōr: Herman Cohen
Aben Kandel • Henry Seymour
Atōr: Jack PalanceDiana DorsEdith Evans
Julie EgeHugh GriffithTrevor Howard
Suzy KendallVenicia DayKathleen Byron
Müsica: John Scott
Léngua: Ingléś
Dürä dal film: 96 minüt
Nasiōṅ: Régn Unî


«
In dua la striarìa négra la sćiòpa in masamènt!»
(Tagline dal film)


Il buio macchiato di rosso (Al scûr maciâ 'd rós) 'l è 'n film ad scarésa dal 1974 ad Freddie Francis.

A 'l èstar 'l è cgnusû c'n i tìtui ad “Locura sangrienta” in Spaggna, “Mystic Killer” in Frància e “Dämon des Grauens” in Germàgna.

Sunt

Neal Mottram (Jack Palance) al fà 'l antiquàri a Lóndra in dua al gh'à 'n negusiét in du al vénd dal ròbi vèci. In dla butéga a gh dà na maṅ al śōvan Ronnie (Martin Potter).

In cantìna al tîṅ lugâ la statṿa 'd 'n ìdul 'd un Dio africàṅ ciamâ Chuku e par lò al fà dal mési négri. 'L óm al créd che masànd dal dóni in sò unōr in cambi al gh'arà di bèsi a palàdi. Quànd chi lò al cópa la Muriel Sharp (Kathleen Byron) parchè lì lē la gh vliva tōr la statṿa, al cata subìt na mùcia 'd munédi 'd òr in un casét.

Na sira Neal al cgnós na dóna ad nóm Helena (Julie Ege) in un bar e al s la pòrta a lèt prima ad bruśàr-ag la ghigna par far un sacrifìsi a Chuku. La pulisìa la cata 'l sò cadàv'r in un fiùm acsè cuma qvél dla Muriel ma la n sà in du ciapàr anc s'al nóm d'l antiquàri 'l è scrit in dl'agénda dla prima vitma.

Culegamènt estéran