Il branco (film 1977)
|
C'l artìcul chè 'l è scrit in
Miranduléś |
 The Pack
| ||
| Il branco | ||
.png) L'Hope Alexander-Willis in na figùra dal film | ||
| Al branc 1977 | ||
|---|---|---|
| Regìa: Robert Clouse | ||
| Scritōr: Robert Clouse • David Fisher | ||
| Atōr: Joe Don Baker • Hope Alexander-Willis Richard B. Shull • R.G. Armstrong • Bibi Besch Ned Wertimer • Sherry E. DeBoer • Paul Willson | ||
| Müsica: Lee Holdridge | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî | ||
Il branco (Al branc) 'l è 'n film ad scarésa dal 1977 ad Robert Clouse trat da 'n rumànś ad David Fisher. 'L è stâ girâ in Califòrgna darènt a Bodega Bay.
Sunt
Al biòlug Jerry (Joe Don Baker), insém a sò mujēr Millie (Hope Alexander-Willis) e a i sò dū fiōi, al và a star a Seal Island in dla Scòsia Nóva purtànd-as sèg al sò pastōr tedésc Riley. Un dè, méntar la bèstia l'è drē a tgnir adrē a 'n cunèṅ in dal bòsc, la patìs 'l atàc 'd un caṅ salvàdag ch'al fà part 'd un branc ch'al gh lasa soquànti fridi. In séguit cal grup ad bèsti lè rabìdi e pîni 'd fam al dà adòs a 'n vèć dal pòst, McMinnimee (Delos V. Smith Jr.), cupànd-al a murśgàdi anc se lò al gh'iva 'n sćiòp par difénd'r-as.
La matìna dòp al branc al sa spòsta a cà dla Millie ch'la sènt i sò pui far di stus par la paùra. La dóna la s salva sōl srand-as dènt'r a la sò Volkswagen giùst in tèmp. Jerry al riva e 'l masa 'n labrador retriever pò al mét in guàrdia i sò vśèṅ tacànd da Hardiman (Richard B. Shull). Ma n'atra famìja l'è drē a rivàr su l'ìśula sénsa savēr gnint dal perìcul: Jim Dodge (Richard O'Brien), sò mujēr Marge (Bibi Besch), sò fiōl Tommy (Paul Willson) e la cōga Lois (Sherry E. DeBoer).