Il bambino di Mâcon

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg The Baby of Mâcon
Il bambino di Mâcon
Bambino di Mâcon.png
La Ormond e Fiennes in na figùra dal film
Al putèṅ ad Mâcon
1992
Regia: Peter Greenaway
Scritùr: Peter Greenaway
Atùr: Julia OrmondRalph FiennesPhilip Stone
Jonathan LaceyDon HendersonTony Vogel
Müsica: Matthew Locke • Girolamo Frescobaldi
John Blow • Andreas Clamer • Arcangelo Corelli
Claudio Monteverdi • Thomas Tallis
Lengua: Ingléś
Dürä dal film: 119 minüt
Nasiòṅ: Régn UnîFrànciaUlànda
GermàgnaBélgi


«
Ta n sē minga tè ch'at gh'à da sangvinàr ma lò, al tò sangṿ 'l è tròp presióś, chi t credarév s'ta n fus piò na vìrgin?»


Il bambino di Mâcon (Al putèṅ ad Mâcon) 'l è 'n film grutésc dal 1992 ad Peter Greenaway ch'al 'l à anc scrit.

'L è stâ preśentâ fóra cuncōrs a 'l 46śum Fèstival ad Cannes.

Sunt

In dal 1659 na cumpagnìa ad teàtar la mét in séna, davànti a la cōrt ad Còśim III de' Medici (Jonathan Lacey), al penùltim grandùca ad Tuscàna, un drama muràł ambintâ in dal Mèdi éṿ a Mâcon. Un dè a nas un bèl putèṅ biónd e risulèṅ da na vècia malàda (Diana van Kolck) e da sò marè (Tony Vogel) e a pâr un miràcul, un rigàl ad Dio e 'n ségn dal sò vulēr, parchè in dal paéś francéś a gh'è dla carestìa e cal dóni i faṅ fadìga a far di fiōi. La surèla dal masćèṅ (Julia Ormond), ch'l'è incóra vìrgin fra 'l àtar, la fà finta 'd èsar lē a 'vér-al parturî cuma na Madóna, la 'l pòrta via sèg e la lóga i sò genitōr e la bàglia (Jessica Hynes) par far-i sparìr. Tut i gh crédan, a part al fiōl dal véscuv (Philip Stone), Giuseppe (Ralph Fiennes).

La dóna la gh cònta la véra e pò la 'l pòrta in dal ciùś par gusàr sèg ma 'l putèṅ 'l órdna a na vaca ad masàr a curnàdi al fiōl dal véscuv parchè al gh'à da difénd'r al sò unōr parchè al vōl cuntinuàr a far inténdar 'd èsar nâ da na dóna inusènta che s'invéci la s fà ciavàr pò ninsòṅ a gh créd piò. Quànd al véscuv e la gint dal pòst, ch'l'à sèmpar śibî di bèsi a la dóna p'r avér dâ a la luś cal fiōl lè banadét, i véd'n al ragàs mòrt par tèra i gh dànan la cólpa a lē mént'r al putèṅ al n diś gnint par diféndar-la. Quànd lē pò la 'l cópa faghénd-ag mancàr al fiâ c'n un cusèṅ, la vèṅ cundanàda a mòrt ma p'r al fat ch'a n s pōl minga impicàr na vìrgin, al règhli dal santuàri i dìś'n acsè, al véscuv, tgnénd adrē a 'n cunsìli ad Còśim III, al la fà prima stupràr par duśènt-òt óm ad fila, pò la Céśa la sćiànca 'l còrp sàcar dal putèṅ par véndar-'l a pès quànd anc prima la vindìva a l'àsta la sò salìa e 'l sò sangṿ.

Culegamènt estéran