Il bacio della morte (film 1947)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Kiss of Death
Il bacio della morte
Bacio della morte (film 1947).png
Victor Mature in na figùra dal film
Al baś dla mòrt
1947
Regia: Henry Hathaway
Scritùr: Ben Hecht • Charles Lederer
Eleazar Lipsky • Philip Dunne
Atùr: Victor MatureBrian DonlevyColeen Gray
Richard WidmarkTaylor HolmesKarl Malden
Müsica: David Buttolph
Lengua: Ingléś
Dürä dal film: 99 minüt
Nasiòṅ: Stat Unî


«
At sarâ sgnâ par tuta la vita da 'l ségn dal tradimènt!»
(Tagline dal film)


Il bacio della morte (Al baś dla mòrt) 'l è 'n film dramàtic americàṅ dal 1947 'd Henry Hathaway.

'L è stâ numinâ, sénsa vìnsar, par dū Prèmi Òscar ma almànc la pelìcula l'è stada premiàda a 'l Fèstival ad Lucàrn par 'l adatamènt p'r al cìnema 'd Ben Hecht e 'd Charles Lederer e a i Golden Globes par 'l atōr masć più prumetènt, Richard Widmark.

Sunt

Finî incóra in parśòṅ dòp un furt, Nick Bianco (Victor Mature) al decìd 'd armàgnar sit c'n al vice-prucuradōr Louie DeAngelo (Brian Donlevy) par prutèś'r i cò cumpâr, Pete Rizzo par prim, ch'invéci i l'ìvan fata franca. Chi lò al gh'iva prumìs ch'l arév tgnû adrē a sò mujér e a 'l sò dū putìni pìculi. P'r a n avēr minga testimuniâ cónt'r i mémbar dla sò banda 'd criminài, Bianco al s bèca vint an.

Tri an dòp, méntar 'l è in parśòṅ a Sing Sing insém a 'n àtar boss, Tommy Udo (Richard Widmark), Nick al vîṅ a savēr da i giurnài e da la dóna di fat dla sò famìja, la Nettie Cavallo (Coleen Gray), ch'in cal méntar sò mujér, ch'la s éra misa cun Rizzo, la s éra tòlta la vita dòp èsar finìda in miśèria e ch'al sò dū putìni i éran finìdi in urfanutròfi. A cal punt lè Nick al decìd ad vudàr al sac e 'd testimuniàr cóntar Rizzo e Udo ch'l éra stâ lasàr andàr dòp ésar dvintâ sò amìg da drē da 'l śbari. Par prèmi i giùdas i gh dàn'n al cundòṅ lasànd-al lìbar.

Bianco al s arfà na vita spuśànd la Nettie e, druànd al cugnóm ad sò mujér, al pòrta a cà anc al sò baghéti. Al ròbi i s métan mâł par la sò famìja quànd Udo al vîṅ asòlt da i giùdas a 'l prucès. Chi lò 'l è fàcil ch'adès al vója vindicàr-as dal sò vèć amìg ch'al gh séra mis cóntar. 'D atra part al 'l à bèla fat masànd la màdar 'd Rizzo (Mildred Dunnock), butàda śò p'r al scali sénsa pità su la sò scrana a rudèli soquànt tèmp prima.

Culegamènt estéran