Idiocracy

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Idiocracy
Idiocracy.png
Luke Wilson in na figùra dal film
Idiocrasìa
2006
Regia: Mike Judge
Scritùr: Mike Judge • Etan Cohen
Atùr: Luke WilsonMaya RudolphTerry Crews
Dax ShepardDavid HermanAndrew Wilson
Thomas Haden ChurchAnthony 'Citric' Campos
Müsica: Theodore Shapiro
Lengua: Ingléś
Dürä dal film: 84 minüt
Nasiòṅ: Stat Unî


«
E s'al putēr al fus in dal maṅ 'd un cajòṅ?»
(Tagline dal film)


Idiocracy (Idiocrasìa) 'l è na cumèdia americàna dal 2006 ad Mike Judge.

Sunt

Joe Bauers (Luke Wilson) 'l è 'n militàr ch'al tîṅ adrē a 'l archìvi anc s'a gh piàś da piò guardàr la televiśiòṅ durànt 'l uràri 'd lavōr esénd ch'al n gh'à mai un cas da far. Un dè al generàł Collins (Michael McCafferty) 'l al sarnìs p'r un esperimènt segrét 'd ibernasiòṅ parchè 'l è 'l parfèt americàṅ mèdi e p'r al fat ch'l è put e ch'al n gh'à minga di parènt dònca ninsòṅ 'l al pascarà mai. Insém a lò a vîṅ tòlta anc na putàna ciamàda Rita (Maya Rudolph) ch'la lavóra p'r un papòṅ 'd culōr, Upgrayedd (Scarface).

Quànd Collins al vîṅ arestâ parchè al s éra mis a far al prutetōr anc lò, al prugèt al finìs p'r èsar daśmingâ e i dū i s déśd'n in dal 2505, in un mónd abitâ da minciòṅ da 'l mumènt ch'in dal cōrs di sécui al parsòni inteligìnti i aṅ śmis ad far di fiōi mént'r i cajòṅ i n aṅ mai finî 'd dar-ag dèntar, anc in dla miśèria. Adès al pòpul 'l à mis da na banda i lìb'r e la vója 'd raśunàr. In cal mónd lè insiminî, Joe al pâr un gèni e 'l vîṅ sarnî par lauràr in dal staff dla Cà Biànca p'r al presidènt Camacho (Terry Crews). Joe al vōl però turnàr in dal 2005 e 'l dmanda a la prima parsòna ch'l à incruśâ in dal futûr, Frito (Dax Shepard), ad purtàr-'l in un pòst in du a ś diś ch'a gh sia na màchina dal tèmp.

Culegamènt estéran