I segreti del lago

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Deep End
I segreti del lago
Segreti del lago.png
Višnjić e la Tilda Swinton in na figùra dal film
I segrét dal lâg
2001
Regìa: Scott McGehee e David Siegel
Scritōr: Elisabeth Sanxay Holding
Scott McGehee • David Siegel
Atōr: Tilda SwintonGoran VišnjićJosh Lucas
Jonathan TuckerPeter DonatTamara Hope
Müsica: Peter Nashel
Léngua: Ingléś
Dürä dal film: 111 minüt
Nasiōṅ: Stat Unî


«
Un thriller sufisticâ e inchietànt.»
(Tagline dal film)


I segreti del lago (I segrét dal lâg) 'l è 'n thriller dramàtic americàṅ dal 2001 ad Scott McGehee e ad David Siegel trat da 'l rumànś „The Blank Wall“ dl'Elisabeth Sanxay Holding. 'L è stâ preśentâ a 'l 54śum Fèstival ad Cannes.

Custàda tri migliòṅ ad dòlar in tut, la pelìcula la 'n à pò fat sù da piò ad déś.

Sunt

La Margaret Hall (Tilda Swinton) e la sò famìja i vìv'n in na bèla vila darènt a 'l lâg Tahoe in Califòrgna. Sò marè Jack (Peter Donat) però 'l è dagnóra sèmpar via parchè 'l fà 'l pilòta par 'l eśèrcit americàṅ su la pòrta-aparéć USS Constellation. La dóna l'è acsè custréta a tiràr sù da par lē i sò tri fiōi, Beau (Jonathan Tucker), al più grand ch'al fà 'l licèo, la Paige (Tamara Hope), la fémna, e Dylan (Jordon Dorrance), al masćèṅ pìcul.

Un dè la Margaret la bèca Beau in un lucàł par fnòć ciamâ „The Deep End“ in du sò fiōl al s dà apuntamènt ad nascòst c'n al sò amànt, Darby Reese (Josh Lucas). La sgnōra Hall la gh pruibìs ad véd'r incóra sò fiōl ma chi lò al n la scólta briśa e cla nòt lè al và a catàr-'l a cà sua parchè al vōl di bèsi da sò màdar par taśēr. I dū i tàc'n a litgàr, pò Reese al strabùca śò da na ringhéra e al mōr piciànd la tèsta. Al sò còrp 'l armàgn lè, davśèṅ a 'l lâg.

La matìna dòp la Margaret la cata 'l cadàvar e, pinsànd ch'al 'l àppia cupâ Beau, la decìd ad lugàr-al. La pulisìa la s mōṿ ma anc gl'amìg ad Darby ch'i s fànan viṿ quànd al còrp al vèṅ tirâ fóra da l'àqua. Un sèrt Alek Spera (Goran Višnjić) al gh'à na caséta vìddeo in du a s véd Darby gusàr sò fiōl e adès al vōl sinquànta-mila dòlar par dar-l' a lē e minga a la pulisìa c'n al risć che Beau al gh finìsa insaplâ p'r umisìdi.

La Margaret la n gh'à mia tut i bèsi e Carlie Nagel (Raymond J. Barry), ch'l à strulicâ 'l piàṅ insém a Alek, 'l è sicûr ch'la dóna l'è drē a cuntàr na bala.

Culegamènt estéran