I ragazzi della porta accanto

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Boys Next Door
I ragazzi della porta accanto
Ragazzi della porta accanto.png
La Moon Unit Zappa in na figùra dal film
I ragàs dla pòrta darènt
1985
Regia: Penelope Spheeris
Scritùr: Glen Morgan • James Wong
Atùr: Maxwell CaulfieldCharlie SheenLesa Lee
Patti D'ArbanvilleMoon Unit ZappaHank Garrett
Christopher McDonaldGrant HeslovDon Draper
Müsica: George S. Clinton
Lengua: Ingléś
Dürä dal film: 91 minüt
Nasiòṅ: Stat Unî


«
A sa scriv AMÈRICA a s lèś VIULÉNSA.»
(Tagline dal film)


I ragazzi della porta accanto (I ragàs dla pòrta darènt) 'l è 'n film dramàtic americàṅ dal 1985 dla Penelope Spheeris girâ in Califòrgna c'n un budget ad sinc migliòṅ ad dòlar.

I diàlug dla versiòṅ itagliàna i èṅ stâ curâ p'r al scritōr Aldo Busi.

Sunt

Roy Alston (Maxwell Caulfield) e Bo Richards (Charlie Sheen) i èṅ dū studènt arvèrs a 'l règhli 'd un culéǵ americàṅ. Dòp al diplòma, piutòst che far na vita da uperàj in fàbrica, i decìdan 'd andàr a Los Angeles in màchina druànd i bèsi che 'n nunòṅ ad Bo al gh'iva rigalâ par prèmi.

Rivâ in dla sità di àngil, i dū ragàs i rùban dla ròba in na stasiòṅ ad servìsi piciànd e mandànd a 'l uśdàl al benśinàr pò i vàn'n a ciapàr al sōl in spiàgia. Lè i tìran na butìglia adòs a na vècia (Helen Brown) e pò i s lìtgan cun tri ragàsi (Claudia Templeton, Mary Tiffany e Marilou Conway) ch'i la vlìvan diféndar.

Finî par śbali in un licàl par fnòć, i ragàs i màs'n al buśòṅ Chris (Paul C. Dancer), ch'l i iva invidâ a cà sua, pò cun la sò pistòla i cópan na còpia 'd muróś (Richard Pachorek e Lesa Lee) e anc na dóna cartumànta, la Angie Baker (Patti D'Arbanville), méntar l'éra drē a gusàr cun Bo. Chi lò al capìs che Roy 'l è sèmpar più fóra 'd mlòṅ e al gh śibìs ad turnàr a cà daśmindànd-'s incòśa.

Culegamènt estéran