Horror in the attic
C'l artìcul chè 'l è scrit in Miranduléś |
The Attic Expeditions | ||
Horror in the attic | ||
Andras Jones in na figùra dal film | ||
Scarésa in dal tasèl mòrt 2001 | ||
---|---|---|
Regìa: Jeremy Kasten | ||
Scritōr: Rogan Russell Marshall | ||
Atōr: Andras Jones • Seth Green • Jerry Hauck Jeffrey Combs • Wendy Robie • Alice Cooper Shannon Hart Cleary • Beth Bates • Ted Raimi Eddy Kariti • Jerry Hauck • Brenda James | ||
Müsica: David Reynolds | ||
Léngua: Ingléś | ||
Dürä dal film: 100 minüt | ||
Nasiōṅ: Stat Unî |
Horror in the attic (Scarésa in dal tasèl mòrt) 'l è 'n film ad scarésa dal 2001 ad Jeremy Kasten. 'L è stâ girâ a Los Angeles c'n un budget 'd un migliòṅ ad dòlar.
Sunt
Trevor Blackburn (Andras Jones) e la Faith (Beth Bates) i èṅ dū muróś dimóndi inamurâ ch'i aṅ decìś ad métar sù cà insém. Un dè al ragàs al và in dal tasèl parchè al sènt di stus vgnir da là, preciśamènt da dèntar 'd un baùl in dua a gh'è na scala ch'la và śò e ch'la pòrta a na cambra in dua a gh'è 'n lìbar ad striarìa négra che sōl lò 'l è bòṅ ad lèśar. Durànt 'n esperimènt chi lò al tira na scurtlàda a la Faith masànd-la, pò lò al ciàma la pulisìa.
Purtâ in 'n uśdàł psichiàtric, al finìs sóta 'l curi dal dutōr Ek (Jeffrey Combs) acsè cuma 'n mat ch'al créd ad dvintàr sèmpar più pìcul, al sgnōr Samuel Leventhal (Alice Cooper). Al mèdag al vōl in tut al manéri catàr al lìbar ch'al sò pasiènt 'l iva lugâ in cal méntar par druàr lò la striarìa su 'l lavōr. A gh dà na maṅ al dutōr Coffee (Ted Raimi).
Trevor, ch'l à pardû la memòria, al vèṅ mandâ in un pòst ciamâ "La Cà d'l Amōr" par ripréndar-'s. A cap dal sèntar a gh'è la dutōra Thalama (Wendy Robie) ch'la cura anc di àtar mat cuma l’Amy (Shannon Hart Cleary), na śōvna ch'la créd che tut i óm ch'la s pòrta a lèt pò i la vójan viulentàr, Douglas (Seth Green), òṅ ch'al vōl far móv'r un cuciàr c'n al pinsēr, la Liz, (Nancy Wolfe) ch'la dróa 'd cuntìnuv la màchina par scrìvar, e Ronald (Jerry Hauck) ch'al fà dascórar sèmpar un cucudrìl ad pèsa che lò al créd al sia viṿ. Chi lò al vèṅ pò masâ méntar Trevor al gusa l’Amy in dla sò cambra.
La sgnōra Thalama la dvènta più catìva e la pruibìs a tut 'd andàr in dal tasèl mòrt.