High crimes - Crimini di stato

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg High Crimes
High crimes - Crimini di stato
High crimes - Crimini di stato.png
L'Ashley Judd in na figùra dal film
Crìmin élt - Crìmin ad stat
2002
Regia: Carl Franklin
Scritùr: Grace Cary Bickley
Joseph Finder • Yuri Zeltser
Atùr: Ashley JuddMorgan FreemanTom Bower
Jim CaviezelAdam ScottAmanda Peet
Müsica: Graeme Revell
Lengua: IngléśSpagnōl
Dürä dal film: 115 minüt
Nasiòṅ: Stat Unî


«
Tut qvél ch'at créd, tut qvél ch'at sà, a prév èsar na bala...»
(Tagline dal film)


High crimes - Crimini di stato (Crìmin élt - Crìmin ad stat) 'l è 'n thriller americàṅ dal 2002 ad Carl Franklin trat da 'l rumànś Reât capitài ad Joseph Finder.

Custâ quarànta-dū migliòṅ ad dòlar, al film al 'n à fat pò sù da piò ad ssanta-tri.

Sunt

L'avucàta Claire Kubik (Ashley Judd) l'è spuśàda cun Tom (James Caviezel) e insém i vìv'n in na vila in Califòrgna, cun lē ch'la spèta 'n putèṅ. Na nòt, mént'r i gìran p'r al sènt'r ad San Francisco, 'l óm al vîṅ arestâ da di agìnt d'l FBI parchè i militàr i dìśan ch'l è 'l respunsàbil dal masamènt in dal 1988 ad nóṿ parsòni quànd al fava 'l suldâ in El Salvador. 'L óm, ch'a dir dabòṅ al s ciàma Ronald Chapman e ch'al 'l à cambiâ par lugàr-as méj e arfàr-'s acsè na vita, al cònta a sò mujēr ch'a s trata dna trapla. L'è véra ch'l à fat al marine là ma ch'al sasèṅ 'l éra 'n sò culéga, James Hernandez (Juan Carlos Hernández), quaciâ in alóra da 'l generàł Bill Marks (Bruce Davison).

A diféndar Ronald 'd ufìsi 'l è numinâ al prim tenènt Terence Embry (Adam Scott) che però a s véd ch'l è 'n prinsipiànt ch'a n gh s pōl minga cuntàr insìma dònca la Claire la decìd ad tōr la diféśa lē, jutàda in cal còmpit lè da 'l èx avucàt militàr Charlie Grimes (Morgan Freeman), imbariagòs in pensiòṅ. A incastràr sò marè a gh'è na série ad sinc testimòni ciàṿ ma, qvél ch'l è strâṅ, 'l è che tri 'd lōr i èṅ pò mòrt in na manéra suspèta. La Claire, jutàda anc par sò surèla Jackie (Amanda Peet), la naśa ch'a gh'è quèl ch'a traśa.

Culegamènt estéran