Hard drive
|
C'l artìcul chè 'l è scrit in
Miranduléś |
 Hard Drive | ||
| Hard Drive - Delitto al computer | ||
 Leo Damian in na figùra dal film | ||
| Disc fis - Delìt a 'l computer 1994 | ||
|---|---|---|
| Regìa: James Merendino | ||
| Scritōr: Leo Damian James Merendino • Gary Van Haas | ||
| Atōr: Leo Damian • Matt McCoy • Stella Stevens Christina Fulton • Irina Maleeva • Edward Albert Alix Koromzay • Belinda Waymouth • Jane Damian | ||
| Müsica: Nels Cline | ||
| Léngua: Ingléś | ||
| Dürä dal film: 92 minüt | ||
| Nasiōṅ: Stat Unî | ||
Hard Drive - Delitto al computer (Disc fis - Delìt a 'l computer) 'l è 'n thriller eròtic dal 1994 ad James Merendino scrit e prudót par 'l atōr prutagunìsta Leo Damian insém a Michael Kastenbaum e a Mike Miller.
Cgnusû anc c'n al tìtul 'd Enter Deliah, a 'l èstar 'l à tòlt i nóm ad Jogo Violento in Purtugàl e Extorsión a un homicida in Spaggna.
Sunt
[mudéfica la surzéia]Will Donovan (Leo Damian), ex putèṅ maravìja a sèt an, adès al fà fadìga a catàr lavōr parchè al sò agìnt al n gh śibìs piò dal parti, a pâr ch'al mónd dal cìnema a s sia daśmindgâ 'd lò, par furtùna ch'l è pîṅ ad bèsi. Adès al gh'à trénta-dū an e dimóndi tèmp lìbar ch'al pasa a 'l computer a védar di sit pòran e a dascórar da malnét in chat cun n'atra dóna, la Deliah (Christina Fulton). Chi lē la gh cònta al sò fantaśìi più spurcaciòni dgénd-ag ch'la vrév che lò al l'andìs a catàr-la par viulentàr-la cuma 'n làdar e, dòp avér fat 'l amōr sèg, al gh sparìs un cólp.
Sò mujér Laura (Belinda Waymouth) la naśa quèl e la và a sfugàr-as a cà dla sò amìga Susan (Stella Stevens), cuntànd-ag ch'la 'l à vdû dmandàr a una a 'l computer ad psér lcar via la mēl da i sò pē.
Na nòt, 'd acòrd cun la Deliah, chi lò al và a cà sua par mét'r in at i quèi ch'i gh piàś'n a lē ma, quànd al gh spara, la pistòla l'è carga dabòṅ e la dóna la mōr. In séguit un vśèṅ ad cà dla vitma, Jack (Matt McCoy), al sòna a 'l campanèl dla sò vila par far-'g un ricàt e dmandànd sincsènt-mila dòlar par taśēr.