Guido Menasci

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

Al Menàsci ala drìta, col Mascàgni a 'l sèinter e 'l Targiòun-Tosèti ala manca, in na foto dal 1893.

Al Guido Menasci (Livóren, 24 ed mêrs 1867 – lè, al 27 ed dicèmber 1925) 'l è stê 'n libretìsta 'd òpera itagliàṅ.

Al Menasci al chersìva in na famìja 'd ginta 'd cultùra e 'l s lavreèva in giurisprudèinsa, tgnend da cât na só pasiòun per la leteratùra, anca tedèsca e francéśa. In dal 1890 al Menasci al vin ciamê in aiùt da 'l só amîg livornéś Targiòun-Tosèti per scrìv'r insèm a lò al librèt edla "Cavaleria rusticàna" dal Mascàgni. Al lavōr fât insèm a 'l Targiòun-Tosèti 'l era andê bèin e acsè i du amîg i continuèv'n incòr a scrìv'r insèm di èter librèt, indû a nn'è minga sàimper facil sernìr el diferèinti màṅ di du scritōr[1]: "I Rantzau" dal 1892, al "Śanèto" dal 1896, "La Redensiòun" dal 1894, e la "Regìna Diaz" dal 1894 per 'l Umbêrt Giordàn.
A partìr da 'l 1900 al Menasci 'l insgnèva pò anca lingua e lettradùra francéśa ai ragâs.

La cuertèina dal librèt dla "Cavalerìa rusticàna" gnû fóra in dal 1906.
Na figùra dla prìma edla "Cavalerìa rusticàna" dal 1890.

Vōś lighèdi

Colegamèint estèren

Noti e referèinsi

  1. (IT) "Enciclopedia della musica", ed. Rizzoli, Milàṅ 1972.