Gli occhi della notte (film 1967)
|
C'l artìcul chè 'l è scrit in
Miranduléś |
 Wait Until Dark
| ||
| Gli occhi della notte | ||
.png) Alan Arkin e l'Audrey Hepburn in na figùra dal film | ||
| Gl'òć dla nòt 1967 | ||
|---|---|---|
| Regìa: Terence Young | ||
| Scritōr: Frederick Knott Robert Howard Carrington • Jane Carrington | ||
| Atōr: Audrey Hepburn • Alan Arkin • Julie Herrod Richard Crenna • Jack Weston • Samantha Jones Efrem Zimbalist Jr. • Robby Benson • Gary Morgan | ||
| Müsica: Henry Mancini | ||
| Léngua: Ingléś | ||
| Dürä dal film: 107 minüt | ||
| Nasiōṅ: Stat Unî | ||
Gli occhi della notte (Gl'òć dla nòt) 'l è 'n thriller dal 1967 ad Terence Young trat da 'n sucès teatràl ad Broadway ad Frederick Knott. Al film 'l à muciâ sù darsèt migliòṅ e mèś ad dòlar dòp ès'r-an custâ sōl tri.
Par cla pelìcula chè la prutagunìsta, l'Audrey Hepburn, l'è stada numinàda a i prèmi Òscar dal 1968.
Sunt
Na dóna ciamàda Lisa (Samantha Jones) la tōś 'n aparéć da Mòntreal par New York purtànd-as sèg na bàmbula imbutìda 'd dròga. Rivàda a 'l aeropòrt JF Kennedy la la cunségna a 'n futógrafar, Sam Hendrix (Efrem Zimbalist Jr.), par métar-la via faghénd a mènt ch'a gh'è 'n óm ch'al la tîṅ 'd òć. Sam al viṿ cun sò mujér, la Susy (Audrey Hepburn), na dóna che dòp avér patî 'n incidènt in màchina l'è dvintàda òrba. Quànd la Lisa la 'l ciàma par la bàmbula, 'l óm al n è più bòṅ ad catàr-la.
Soquànt dè dòp dū malandrèṅ, Mike Talman (Richard Crenna) e Carlino (Jack Weston), i rìv'n a cà di Hendrix cardénd ch'la sia qvél dla Lisa. Harry Roat Jr. (Alan Arkin), 'l óm dl'aeropòrt, al riva anc lò da cla banda e al i cunvìns a jutàr-'l a pascàr la bàmbula adès che la Lisa l'è stada impicàda. Faghénd-as pasàr par di agìnt ad pulisìa i tri i s insfìls'n in cà in du la pòvra Susy la gh'à da difénd'r-as da par lē.