Giustizia privata (film 2009)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Law Abiding Citizen
Giustizia privata
Giustizia privata (film 2009).png
Gerard Butler in na figùra dal film
Giustìsia privàda
2009
Regia: Kurt Wimmer
Scritùr: Kurt Wimmer
Atùr: Gerard ButlerJamie FoxxColm Meaney
Bruce McGillLeslie BibbRichard Portnow
Regina HallViola DavisJosh Stewart
Müsica: Brian Tyler
Lengua: Ingléś
Dürä dal film: 108 minüt
Nasiòṅ: Stat Unî


«
La léǵ la n è minga cumpàgna par tut.»
(Tagline dal film)


Giustizia privata (Giustìsia privàda) 'l è 'n thriller americàṅ dal 2009 scrit e dirèt par Kurt Wimmer.

Custâ sinquànta-tri migliòṅ ad dòlar, al film al 'n à pò fat sù da piò ad sènt-vintsiē.

Sunt

Vrénd 'l us ad cà na nòt 'l inśgnēr Clyde Shelton (Gerard Butler) al gh'à na bruta surpréśa parchè al cata dū delinquènt drugâ pódag, Clarence Darby (Christian Stolte) e Rupert Ames (Josh Stewart), ch'i gh rùb'n in cà e pò i màsan sò mujér (Brooke Stacy Mills) e la sò putìna (Ksenia Hulayev) méntar lò al la scampa par miràcul.

P'r a n andàr minga in a risć ad pèrdar la càuśa e maciàr al sò record ad sucès dal 96%, 'l avucàt ad Clyde, Nick Rice (Jamie Foxx), al diś a la giùdas Laura Burch (Annie Corley) ch'l à decìś ad pategiàr cun 'l avucàt ad Darby, Bill Reynolds (Richard Portnow), parchè chi lò 'l à firmâ na cunfesiòṅ in du 'l dà la cólpa di masamènt a Rupert anc s'l'è véra 'l cuntràri. Anc se Clyde al vliva andàr avànti, Nick 'l à decìś ad śugàr cla carta chè parchè quànd al próvi i n èṅ briśa bòni 'd inciuldàr i culpévui, piutòst che gnint 'l è méj piutòst, la giustìsia la và acsè. Darby al s bèca déś an méntar Ames al vîṅ cundanâ a mòrt. Durànt l'ignesiòṅ dal vlèṅ però chi lò al patìs un dulōr ad c'l àtar mónd prima 'd murìr parchè Clyde 'l à cambiâ 'n ingrediènt da na saca ma qvél 'l è gnint in cunfrònt a qvél ch'a sucéd a Darby parchè 'l inśgnēr 'l al cópa turturànd-al sćiancànd-ag di pès dal sò còrp òṅ a òṅ.

Anc d'in parśòṅ Clyde al gh la cava a purtàr avànti la sò vindéta cóntar qvéi ch'i n aṅ briśa fat giustìsia, tancànd par Reynolds, saplî viṿ, e la giùdas Burch ch'a gh sćiòpa la tèsta quànd la rispónd a 'l telefunèṅ. Adès a gh armàgn sōl Nick parchè la sò asistènta, la Sarah Lowell (Leslie Bibb), la salta p'r ària in dla sò màchina. Sōl qvéla d'l avucànt la n gh'iva mia na bómba dèntar.

Culegamènt estéran