Giovanni Fornasini
|
C'l artìcul chè 'l è scrit in
Miranduléś |
Giovanni Fornasini (Liżàn, 23 ad Favràr dal 1915 - Marzabòt, 13 'd Utóbar dal 1944, a s lèś [dʒoˈvanni fornaˈzini] in itagliàṅ) 'l è stâ 'n prevòstar itagliàṅ, mdaja 'd òr a 'l valōr militàr a la memòria e numinâ beàt al 26 ad Setémbar dal 2021 par Papa Fransésc.
Dòp èsar dvintâ prēt, in dal 1942 al taca a dir mésa a Sperdgàn, frasiòṅ ad Marzabòt. Durànt la secónda guèra mundiàla, cuma mémbar dla reśisténsa in Emìglia, al culàbura cun la brigàda partigiàna “Stéla Rósa”, jutànd e salvànd dla gint dal pòst da i naśìsta e sunànd al campàni al 25 ad Luj dal 1943 quànd al vîṅ a savēr che Benito Mussolini 'l éra stâ tirâ via da 'l sò pòst ad cmand.
Al 13 'd Utóbar dal 1944, soquànt dè dòp al Stermìni dal Mònt Sōl, al n è mia turnâ a cà a magnàr. In séguit al sò cadàvar 'l è stâ catâ a la fîṅ d'l Invèran, cun la tèsta tajàda via.