Giovanni Aurelio Augurello
|
C'l artìcol chè 'l è scrit in
Carpśàn |
Giovanni Aurelio Augurello u anca Augurelli, Agorelli (in lat. Joannes Aurelius Augurellus) (Rìmin 1441 – Trevîś 1524) 'l era stê 'n umanìsta, puvêta e alchimìsta. L' îva studiê lēś a Ròma, Firèins e Pèdva, in dû 'l dvintèva amîg dal Bernardèin e dal Péder Bembo. In cal mèinter ch' l' éra a Firèins, al dvintèva amîg 'd al Marsìli Ficino e 'd 'l Àngel Polisiàno. In dal mèinter invéci ch'l era in Venésia cùma segretàri 'd al vèscuṿ ed Trevîś Niccolò Franco, a s sa ch' al frequentèva l' Acadèmia Aldèina 'dl' elìte culturêl umanìsta e grecìsta 'd cal mumèint lè.
Dòp 'd al 1503 'l Augurêl al starà quesi sèimper in Trevîś sìa per insgnèr che per scrìver. Dòp che 'd lettri, al s interesèva anca 'd alchimìa, fènd di esperimèint cui metâl e anca produśènd 'd al pàsti colorèdi p'r al pitōr ermètic só amîg Giulio Campagnola. 'L era però méj cgnusû p'r al só puéma alegòric ins a l' alchimìa Chrysopoeia, dedichê al Pèpa Leòun X in dal 1515. Di èter só lavōr i éren stê i Carmina (1505), al Geronticon liber, ai Iambici libri, e i Sermonum libri.