Giovani assassini nati
|
C'l artìcul chè 'l è scrit in
Miranduléś |
 Tangled
| ||
| Giovani assassini nati | ||
 La Leigh Cook e Hatosy e in na figùra dal film | ||
| Śōvan sasèṅ nâ 2001 | ||
|---|---|---|
| Regìa: Jay Lowi | ||
| Scritōr: Jeffrey Lieber Michael Shapiro • Shawn Simons | ||
| Atōr: Rachael Leigh Cook • Shawn Hatosy Jonathan Rhys Meyers • Lorraine Bracco Joyce Gordon • Estella Warren • Dwayne Hill | ||
| Müsica: Reinhold Heil • Johnny Klimek | ||
| Léngua: Ingléś | ||
| Dürä dal film: 86 minüt | ||
| Nasiōṅ: Stat Unî | ||
Giovani assassini nati (Śōvan sasèṅ nâ) 'l è 'n thriller dramàtic americàṅ dal 2001 ad Jay Lowi, vgnû fóra diretamènt p'r al marcâ d'l home video.
Sunt
David Klein (Shawn Hatosy) al vîṅ purtâ a 'l prònt sucōrs dòp avēr fat 'n incidènt. Dòp èsar-'s daśdâ, al cònta a gl'agìnt ad pulisìa Nagle (Dwayne Hill) e l’Anders (Anders) che lò e la sò muróśa, la Jenny Kelley (Rachael Leigh Cook), i éran stâ rapî e ch'i ìvan cumbatû cun Alan Hammond (Jonathan Rhys Meyers), un sò amìg da i tèmp d'l ùlt'm an dal culéǵ quànd lò e la Jenny i stàv'n insém. Al śōv'n al gh'iva anc na mùcia 'd dròga lugàda in cà sua.
Alan 'l iva fat in manéra ad preśentàr-ag na ragàsa ciamàda Elise Stevens (Estella Warren) ma lò 'l éra invéci inamurâ dla Jenny. Na sira, turnànd a cà, chi lōr dū i ìvan bcâ Alan a lèt cun l’Elise, na bruta surpréśa par la Jenny ch'l'iva decìś acsè ad mulàr al sò muróś. Subìt dòp Alan 'l éra finî in parśòṅ dòp ch'la pulisìa la gh'iva catâ la dròga in cà. Sénsa 'l sò amìg fra i pē, David al gh'iva camp lìbar cun la Jenny.
Ma adès ch'l è turnâ lìbar, Alan al vōl dal spiegasiòṅ c'n i dū, specialmènt al vōl savēr s'i èṅ stâ lōr a cuntàr incòsa a la pulisìa. L’Anders la vōl savēr cuś a sia sucès dòp parchè i aṅ catâ 'l cadàvar masâ 'd Alan e 'l è fàcil che David al sava quèl.