Giorgia Meloni

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

La Giorgia Meloni
Prim piàṅ dla Giorgia Meloni


La Giorgia Meloni (Róma, 15 ad Śnar dal 1977, a s lèś ['d͡ʒɔrd͡ʒa me'loni] in itagliàṅ) l'è na pulìtica e na giurnalìsta itagliàna carsùda in dal quartēr dla Garbatella.

L'è stada la minìstra p'r i śōvan in dal quàrt guèr'n ad Silvio Berlusconi e presidènta dl'urganiśasiòṅ “Giovane Italia” ma pò la s 'n è andàda da 'l Pòpul dla Libertà parché la n éra minga 'd acòrd cun 'l apòǵ ch'al sò partî 'l éra drē a dar a 'l guèr'n ad Mario Monti. Insém a Guido Crosetto e a Ignazio La Russa la dà acsè vita a 'n partî nóṿ ad dèstra, lē ch'la daśvgnìva da Aleànsa Nasiunàla, qvél di Fradèi 'd Itàglia.

Al 15 ad Mars dal 2016 la s càndida a dvintàr al sìnd'g ad Róma insém a Nuàtar par Salvini e 'l apòǵ ad Mario Mauro e ad Giuseppe Cossiga. A 'l prim tùran la fà sù al 20,7% di vōt, finénd a 'l tèrs pòst da drē da la Virginia Raggi dal Muimènt Sinc Stéli e a Roberto Giachetti dal Partî Demucràtic, armagnénd acsè fóra da i balutàǵ.