Gary Johnson
|
C'l artìcul chè 'l è scrit in
Miranduléś |
Gary Earl Johnson, cgnusû méj cuma Gary Johnson (Minot, 1 ad Śnar dal 1953) 'l è un pulìtic americàṅ dal partî libertariàṅ, èx espunènt dal partî republicàṅ in fiṅ a 'l 2011.
'L è 'l candidâ dal sò partî a gl'elesiòṅ dal 2016 par dvintàr al presidènt di Stat Unî.
Biugrafìa
P'r i republicàṅ, Johnson al gh la cava in di an Nuànta a dvintàr al guvernadōr dal Mèsic Nóṿ par dū vòlti, baténd i demucràtic Bruce King in dal 1994 e Martin Chávez in dal 1998.
In dal 2008 al decìd ad dar al sò apòǵ a 'l candidâ presidènt Ron Paul, pò in dal 2011 al s càndida lò a 'l primàri dal partî republicàṅ ma 'l gh dà a muć dagnóra subìt. Al 29 ad Nuvémbar al pasa a 'l partî libertariàṅ in du 'l vins al primàri par dvintàr al presidènt di Stat Unî. In dgl'elesiòṅ dal 2012, cóntar Barack Obama e Mitt Romney, al ciàpa 'l 0.99% di vōt.
Johnson al gh próa incóra quàt'r an dòp e, baténd al prugramadōr John McAfee e Austin Peterson, al fà sèntar.
In dal Setémbar dal 2016, durànt un dibàtit pulìtig su 'l canàł NBC, a la dmanda «Cuśa farév-at tè p'r Aleppo s'at fus elèt?», lò al rispónd «Mo cuś è'l Aleppo?»[1].
Culegamènt estéran
Nòti
- ↑ Al candidâ presidènt di Stat Unî: «Mo cuś è'l Aleppo?» BBC, 8 ad Setémbar dal 2016
Wikiquote contiene citazioni di o su Gary Johnson
Wikimedia Commons contiene file multimediali su Gary Johnson
