Galerìa (architetùra)
|
C'l artìcol chè 'l è scrit in
Carpśàn |
La galerìa l'è 'n elemèint edl'architetùra ch'l è cumpâgn a 'n lung curidōr cun dagli archèdi e despès anc al sufìt dimòndi élt, ch'al servìs per tgnìr al cuacê mo anc cun dimòndi lûś, el persòuni ch'i gh'stân dàinter e ch'i gh'pasen da mêś.
Soquànt tîp ed galerìi
Per galerìa a s pōl intènder:
- un post lèreg in dû a s pasa la giurnèda dàint'r in 'n edifìsi, c'ma la Galerìa di Spêć in dal castêl ed Versailles;
- un post per pasèr o anc per pasegèr, cuacê e dimòndi de piò lùng che lèreg, c'ma la Galerìa di Ufìsi a Firèns;
- un post in dû a se stà e a s pasa, ch'al fà dl'ôra dintór'n a 'n giardèin intèren, e ch'al pōl fèr sù 'n pàtio;
- in dal teàter o in di cìnema, la galerìa l'è cal curidōr o cla spianèda ch'la vin in fóra a l'élta edla sela, e in dû a ghe stà soquànti scrani o pultrunsèini per guardèr al spetàcol;
- un post per dagli espuśisiòun 'd ōvri 'd êrt;
- un post sarê in dû a s fàcia soquànt negòsi comercē o anc a s pōl ciamèr acsè un sōl negòsi mo dimòndi grôs;
- un curidōr sôt tèra o anca cuacê, c'm'i fèven na volta i suldê per pasèr lughê da 'l nimîg, e che invéci incō al pōl purtèr in soquànt post sôt tèra c'ma 'l metropolitàni e 'l stasiòun di tréno.
Soquànti galerìi itagliàni cui negòsi
- Galerìa subalpèina (Turèin)
- Galleria San Fedrîg - (Turèin)
- Galerìa Vitóri Emanuēl II (Milàṅ)
- Galerìa de Cristòforis - (Milàṅ)
- Galerìa del Cors - (Milàṅ)
- Galerìa Giuśêp Masèin - (Śènva)
- Galerìa Inrîg Martèin - (Śènva)
- Galerìa Albêrt Sordi (Ròma)
- Galerìa Prinsep (Napol)
- Galerìa Umbêrt I - (Napol)
- Galerìa Vitóri Emanuēl III (Mesèina)
- Galerìa dal Vitóri - (Palèrum)
Vóś lighèdi
Èter progêt
Wikimedia Commons contiene file multimediali su Galerìa (architetùra)
