Fuga da Alcatraz
|
C'l artìcul chè 'l è scrit in
Miranduléś |
 Escape from Alcatraz
| ||
| Fuga da Alcatraz | ||
 Clint Eastwood in na figùra dal film | ||
| Scapàda da Alcatraz 1979 | ||
|---|---|---|
| Regìa: Don Siegel | ||
| Scritōr: J. Campbell Bruce • Richard Tuggle | ||
| Atōr: Clint Eastwood • Larry Hankin • Fred Ward Patrick McGoohan • Jack Thibeau • Paul Benjamin Roberts Blossom • Bruce M. Fischer • Frank Ronzio | ||
| Müsica: Jerry Fielding | ||
| Léngua: Ingléś | ||
| Dürä dal film: 112 minüt | ||
| Nasiōṅ: Stat Unî | ||
Fuga da Alcatraz (Scapàda da Alcatraz) 'l è 'n film dramàtic dal 1979 ad Don Siegel girâ dabòṅ in dla parśòṅ 'd Àlcatraz, séd'ś an dòp ch'l'è stada saràda. Al cònta un fat véra sucès là 'l 11 ad Śugn dal 1962 quànd tri óm, Frank Morris e i fradèi John e Clarence Anglin, i gh l'àṅ cavàda a scapàr via.
Al film 'l à muciâ sù quarànta-tri migliòṅ ad dòlar a frònt 'd un cóst 'd òt.
Sunt
Al rapinadōr ad banchi Frank Morris (Clint Eastwood), parsòna più inteligìnta dal nurmàl, al vèṅ purtâ in dla parśòṅ furtésa ch'la s cata in dl'ìśula 'd Àlcatraz. Scapàr via da 'd lè a pâr un quèl impusìbil parchè in vint-siē an ad vita ninsòṅ 'l è stâ bòṅ ad far-al.
Là dèntar par lò la vita l'è difìcila, al diretōr Warden (Patrick McGoohan) 'l è sénsa cōr, anc parchè Frank 'l è 'n óm ch'al dascór pôc. Al s fà giùst un quàlc amìg cuma 'l itagliàṅ Litmus (Frank Ronzio), ch'al s fà ciamàr “Al Capone”, al pitōr Chester Dalton dit “Doc” (Roberts Blossom) e al négar English (Paul Benjamin) ch'l al difénd (sóta la dócia Frank 'l iva incruśâ un budlòṅ ch'al gh'iva dit ch'al pascàva na fémna).
Quànd lè dènt'r i rìv'n anc i fradèi Clearence (Jack Thibeau) e John Anglin (Fred Ward), Frank al gh cònta 'n sò piàṅ par scapàr via dòp avér vdû ch'in di mur a gh'è dal salmìstar. Morris al vōl pasàr p'r i cundót dl'ària.