Frequèinsa cardìeca

Da Wikipedia.
C'l artìcul chè 'l è scrit in Carpśàn Emiliàn
Un cōr 'd òm drē a bater, col quàter cambri e 'l só varvri visti ai ultrasòun.

La frequèinsa di batit dal cōr (frequenza cardiaca in itagliàṅ) l'è la quantitê di batit che 'l cōr al fà ind un minût.
La frequèinsa cardìeca, cun la teimperadùra dal corp, la presiòun dal sanghev e la frequèinsa dal respîr gl'ìn chel funsiòun vitèli ch'i s diśen se na persòuna la stà bèin o s'la gh'à 'n quêl ch'al prèv ann andèr mìa p'r al vers giùst.

In generêl, cla frequèinsa chè la dipènd da l'etê dla persòuna e da 'l sês. L'è abàsta élta in di putèin, pò a decrèser man a màṅ ch'i dvèinten ragasōl e pò ragâs, infîn a 'l persòuni grandi, indû la s cata in na média 'd 70 batit al minût per chi òm e 'd 75 per cal dòni, a méno ch'i nn'àpien curs o ch'i n'staghen mìa bèin, e via descurènd.

Frequèinsi cardìechi in del persòuni

  • Apèina nê: 90-180
  • Putèin: 80-100
  • Ragâs: 70-120
  • Agìnt granda: 60-90


A secònda dla frequèinsa ch'a 's se spèta normalmèint in di batit dal cōr, in dl ascultèr-el, a s dirà ch'l è:

  • na tachicardìa quand la só frequèinsa l'è più élta dal normêl
  • na bradicardìa quand la só frequèinsa l'è più basa dal normêl
  • n'aritmìa quand a gh'è soquànt batit fóra dal ritem costànt

Vóś lighèdi

Èter progêt

Colegamèint estèren

  • (IT) La vōś in sìm'a 'l Vucabulàri Treccani.