Flesh Gordon - Andata e ritorno... dal pianeta Porno!
|
C'l artìcul chè 'l è scrit in
Miranduléś |
 Flesh Gordon
| ||
| Flesh Gordon - Andata e ritorno... dal pianeta Porno! | ||
 Jason Williams in na figùra dal film | ||
| Flesh Gordon - Andàda e ritóran... da 'l pianéda Pòran! 1974 | ||
|---|---|---|
| Regìa: Michael Benveniste • Howard Ziehm | ||
| Scritōr: Michael Benveniste | ||
| Atōr: Jason Williams • William Dennis Hunt Suzanne Fields • Joseph Hudgins • John Hoyt Mycle Brandy • Candy Samples • Lance Larsen | ||
| Müsica: Ralph Ferraro | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî | ||
Flesh Gordon - Andata e ritorno... dal pianeta Porno! (Flesh Gordon - Andàda e ritóran... da 'l pianéda Pòran!) 'l è 'n film eròtic e fantàstic americaṅ dal 1974 ad Michael Benveniste e 'd Howard Ziehm, parudìa di fumét ad Flash Gordon 'd Alex Raymond.
In dal dupiàǵ itagliàṅ al móstar ch'a s véd a la fiṅ al dascór in sicigliàṅ.
Sunt
La Tèra l'è sóta atàc da part dal pianéda Pòran e dal sò imperadōr Wang al Pervertî (William Dennis Hunt) ch'al la bumbàrda cun di raś sèx ch'i custrìnśan la gint a gusàr cun chi a gh'è lè dintóran e dònca a far 'l amōr e minga la guèra. Par difénd'r i teréstar, Flesh Gordon (Jason Williams), fiōl dal prufesōr Gordon (John Hoyt), al partìs in astrunàṿ insém a na biónda ciamàda Dale Ardor (Suzanne Fields) e a 'l siensiâ Vaffa (Joseph Hudgins).
Rivâ a Pòran, Flesh al finìs a lèt dl'imperadōra Amora (Nora Wieternik), ch'la gh'iva butâ gl'òć adòs fiṅ da subìt, méntar Wang al decìd ad tōr in spóśa la Dale ma a 'l ùltim al matrimòni al salta. Rapìda da la capa di amàśuni, la Nellie (Candy Samples), la Dale l'è custréta a far sès cun na négra (Dee Dee Dailes) ma pò la gh la cava a scapàr via cun 'l ajùt ad Flesh e dal prìnsip Pirla (Mycle Brandy) ch'al salva la vita a Gordon ma in cambi al vōl che lò al s faga far un “servìsi”.
Al grup al riva pò finalmènt a 'l palàs ad Wang par śbragàr i machinàri ch'i spàr'n i raś sèx ma 'l imperadōr al ciàma in sò ajùt un móstar ch'al ciàpa la Dale c'n al maṅ.