Finalmente maggiorenni
|
C'l artìcul chè 'l è scrit in
Miranduléś |
 The Inbetweeners Movie
| ||
| Finalmente maggiorenni | ||
 Na figùra dal film | ||
| Finalmènt grand 2011 | ||
|---|---|---|
| Regìa: Ben Palmer | ||
| Scritōr: Iain Morris • Damon Beesley | ||
| Atōr: Simon Bird • Joe Thomas • James Buckley Blake Harrison • Emily Head • Laura Haddock | ||
| Müsica: Mike Skinner | ||
| Léngua: Ingléś | ||
| Dürä dal film: 97 minüt | ||
| Nasiōṅ: Régn Unî | ||
Finalmente maggiorenni (Finalmènt grand) l'è na cumèdia ingléśa dal 2011 ad Ben Palmer trata da la série televiśìva britànica The Inbetweeners. In dal Régn Unî la gh'à abû 'n bèl sucès, l'è stada la cumèdia più vduda in dla sò prima stmana 'd prugramasiòṅ, tant ch'in dal 2014 la gh'à abû 'n séguit, The Inbetweeners 2.
Custâ tri migliòṅ e mèś ad sterlìni, al film 'l à pò purtâ a cà utànt'òt migliòṅ ad dòlar.
Sunt
Jay Cartwright (James Buckley), Will McKenzie (Simon Bird), Simon Cooper (Joe Thomas) e Neil Sutherland (Blake Harrison) i èṅ quàtar ragàs ingléś da 'l bandi ad Manchester ch'i decìd'n ad far-as na vacànsa a Créta per festegiàr i lōr daśdòt an e anc par cgnósar dal ragàsi da purtàr-'s a lèt anc se Simon al pènsa sèmp'r a la sò èx muróśa, la Carli (Emily Head), ch'la 'l à péna mulâ e ch'la s cata a Malia anc lē.
I quàt'r i finìs'n in na pensiòṅ da quàtar sòld ma qvél ch'a gh interèsa a lōr dabòṅ 'l è bévar, far sès e divertìr-as. Na sira in un club i cgnósan quàtar śuvnòti ingléśi, la ciciòna Jane (Lydia Rose Bewley), la Lucy (Tamla Kari), la Lisa (Jessica Knappett) e l’Alison (Laura Haddock) ch'la piàś dimóndi a 'l vìrgin Will ma ch'la s è péna misa c'n un grèc camarēr squasa-marléti, Nicos (David Avery).