Febbre da rigore
|
C'l artìcul chè 'l è scrit in
Miranduléś |
 3 zéros
| ||
| Febbre da rigore | ||
 Samuel Le Bihan in na figùra dal film | ||
| Févra da rigōr 2002 | ||
|---|---|---|
| Regìa: Fabien Onteniente | ||
| Scritōr: Fabien Onteniente Emanuel Booz • Philippe Guillard | ||
| Atōr: Gérard Lanvin • Ticky Holgado • Isabelle Nanty Samuel Le Bihan • Stomy Bugsy • Gérard Darmon Lorànt Deutsch • Wladimir Yordanoff • Léa Drucker | ||
| Müsica: Stomy Bugsy • Nicolas Errèra | ||
| Léngua: Francéś | ||
| Dürä dal film: 98 minüt | ||
| Nasiōṅ: Frància | ||
Febbre da rigore (Févra da rigōr) l'è na cumèdia francéśa dal 2002 ad Fabien Onteniente ambintàda in dal mónd dal fólbar.
In dal film a gh'è soquànt camèo 'd persunàǵ famóś cuma Luis Fernández, Ronaldinho, Lilian Thuram e Jean-Pierre Papin.
Sunt
Tibor Kovacs (Lorànt Deutsch) 'l è 'n ragàs cun di urìgini ungheréśi ch'al s cata in parśòṅ a Fleury-Merogis par di reàt da pôc. Esénd dimóndi brâṿ a śugàr a balòṅ, al sò cumpàgn ad sèla Manu (Samuel Le Bihan), prima 'd èsar mandâ lìbar, al gh śibìs ad far-ag da prucuradōr par catàr-ag na squàdra impurtànta dal campiunàt francéś e parmétar-'g acsè ad rivàr a èsar prutagunìsta in dla nasiunàł di galét, ch'al sarév pò 'l sò sógn.
Dascurénd c'n al sò amìg Angelo (Ticky Holgado), titulàr dna piserìa a Arpajon, chi lò al gh cunsìglia ad far-as jutàr p'r Alain Colonna (Gérard Lanvin), prucuradōr famóś e fradèl ad sò mujēr Sylvie (Isabelle Nanty) ch'la fà l'alenadōra e la purtéra in dla squàdra 'd balòṅ dal fémni dal paéś, piutòst lòfi specialmènt in diféśa.
Al prubléma 'l è ch'in cal méntar la màdar dal ragàs (Maaike Jansen) la gh'à fat firmàr un cuntràt c'n un prucuradōr rivàl, Oscar Marbello (Gérard Darmon). Pasâ a 'l Paris Saint-Germain dal presidènt Spizner (Wladimir Yordanoff), un migliardàri ch'al vrév vìns'r incòśa, Kovacs al fà 'l sò debùt in Champions League cónt'r al Barcelóna tulénd al pòst dla star Michael Sylvain (Stomy Bugsy), infurtunâ. Al ragàs al séggna dū gòi, dedicâ a la sò muróśa Eva (Mareva Galanter), faghénd vìns'r i pariśèṅ 3-2 e dvintànd na star.