Fate la nanna, coscine di pollo
|
C'l artìcul chè 'l è scrit in
Miranduléś |
 Fate la nanna, coscine di pollo
| ||
 La Rita Calderoni e Gianni Dei in na figùra dal film | ||
| Fâ la nana, cuslìni ad pui 1977 | ||
|---|---|---|
| Regìa: Amasi Damiani | ||
| Scritōr: Amasi Damiani | ||
| Atōr: Rita Calderoni • Gianni Dei • Marina Hedman Lida Ferro • Aldo Massasso • Ubaldo Pasqualetti Andrea Aureli • Tina Capecchi • Piero Mazzinghi | ||
| Müsica: Nedo Benvenuti | ||
| Léngua: Itagliàṅ | ||
| Dürä dal film: 89 minüt | ||
| Nasiōṅ: Itàglia | ||
Fate la nanna, coscine di pollo (Fâ la nana, cuslìni ad pui) 'l è 'n film śal dal 1977 'd Amasi Damiani, vgnû fóra incóra in dal 1983, c'n al tìtul Gli amori morbosi di una contessina, pîṅ ad pès spurcaciòṅ śuntâ in séguit e girâ par l'Ajita Wilson.
Sunt
Tri amìg, al cumunìsta Simone (Gianni Dei), la Silvia (Rita Calderoni) e la Mary (Marina Hedman), na nòt i vaṅ òspit a cà dna cuntésa fóra ad tèsta ch'a gh piàś guardàr di śōvan mént'r i fànan 'l amōr, la sgnōra De Angelis (Lida Ferro). Chi lē la gh śibìs un śōg da far miténd-'g a dispuśisiòṅ na sò vila ad campàgna, bandunàda da an, in du a gh'è lugâ un teśôr. I tri i gh'aṅ da catàr-al tgnénd a drē a quél ch'a gh'è scrit in na létra che lē la gh darà. La cuntésa la gh diś anc ch'l'è sicùra che chi lōr i s quistiunaràṅ 'l un cun c'l àtar, 'l è qvél ch'a sucéd sèmpar quànd a gh'è di bèsi in mèś.
Dòp soquànt dè ch'i èṅ in dla vila a far gnint finalmènt a riva la busta dla cuntésa ma dènt'r a gh'è scrit na fraś sénsa sèns: «Fâ la nana, cuslìni ad pui». Na sira, dòp che Simone e la Mary i èṅ finî a lèt insém, a riva un sèrt Andrea Fani (Aldo Massasso) ch'al diś ch'l è sòlit far un salt lè tut i an par tajàr l'èrba ch'la gh fà còmad. Simone al gh'à paùra ch'al sia vgnû sōl p'r al teśôr e 'l al cópa c'n un badìl par pò saplìr-'l in dal bòsc.
Un dè, méntar Simone 'l è via da la sò muróśa, la Silvia la diś a la Mary che c'l àtar dè l'à sintî incòsa quànd l'à gusâ cun Simone e ch'la n 'l iva minga da far parchè i óm i èṅ muśnènt, adès a s capìs parchè la gh śibìva sèmp'r ad durmìr insém quànd a trunàva e lē la gh dava dal carési méntar la Mary la punsàva.
Al dóni i s daṅ da far par catàr la sulusiòṅ dal mistēr, la Mary dascurénd cun 'l autìsta dla cuntésa e la Silvia dmandànd ajùt a 'n sò vèć prufesōr (Gualtiero Rispoli) espèrt in aràldica ch'al gh diś ch'al scûd di De Angelis 'l è un putèṅ nûd c'n i bras avèrt in mèś a dū spighi 'd graṅ. Qvésta chè l'è la drita bòna.