False testimonianze
|
C'l artìcul chè 'l è scrit in
Miranduléś |
 Innocent Victims
| ||
| False testimonianze | ||
 Irwin, Schroder e Corbett in na figùra dal film | ||
| Testimuniànsi falsi 1996 | ||
|---|---|---|
| Regìa: Gilbert Cates | ||
| Scritōr: Scott Whisnant • Gy Waldron | ||
| Atōr: Ricky Schroder • Hal Holbrook • Tom Irwin Rue McClanahan • John Corbett • Liza Snyder Rondi Reed• Chaka Forman• Ben Browder | ||
| Müsica: Charles Fox | ||
| Léngua: Ingléś | ||
| Dürä dal film: 115 minüt | ||
| Nasiōṅ: Stat Unî | ||
False testimonianze (Testimuniànsi falsi) 'l è 'n film dramàtic par la televiśiòṅ girâ in dal 1996 par Gilbert Cates. Al cònta di fat sucès dabòṅ[1].
Sunt
In dal Maǵ dal 1985 a Fayetteville in dla Carulìna dal Nòrd na dóna e dū dal sò tri putìni i vènan masàdi in cà dòp èsar stada anc viulentàda. I suspèt i càscan subìt insìma a 'l sergînt Tim Hennis (John Corbett), 'n óm spuśâ cun l’Angela (Liza Snyder) e pàdar da pôc, ch'l iva cumprâ 'n caṅ da lì lē. A inciuldàr-al a gh pènsa un ragàs ad culōr (Chaka Forman) ch'l è sicûr 'd avér-al vdû là la nòt d'l umisìdi. Soquànt àtar, cuma la ragasōla ch'la tgniva a drē a 'l putìni dla vitma o la dóna ch'la gh purtàva i giurnài ad nòt, la Bonnie Griffin (Rondi Reed), i dascóran invéci 'd un furgunsèṅ ch'al giràva da cal bandi là in chi dè lè ma a n gh'è gnint da far parchè a n al s cata briśa. Inóltar in sla babysitter a n s gh pōl mia cuntàr-'g insìma méntar la Bonnie la n vōl minga testimuniàr davànt a i giùdas.
Dòp che sò fiōl 'l è finî in parśòṅ, i sò genitōr Bob (Hal Holbrook) e la Marylou (Rue McClanahan) i tōśan dū avucàt par tiràr-al fóra da 'd là, Billy Richardson (Ricky Schroder) e Jerry Beaver (Tom Irwin). Mandâ a 'l inìsi lìbar su causiòṅ, sènt-mila dòlar, dòp al prucès Tim al vèṅ però cundanâ a la péna ad mòrt.
Bob e gl'avucàt però i n s dànan minga par vins e i gh la càv'n a far far 'n àtar prucès. Inólt'r i càtan un ragasōl ad daśnóṿ an, Matt Cataldo (Tom Reynolds), un sulitàri ch'al lauràva là in alóra e ch'al sumìlia dimóndi a Tim. A s pōl pròpria dar ch'i testimòni i àppian vdû lò la sira di masamènt scambiànd-al p'r al sergînt.
Culegamènt estéran
Nòti
- ↑ Par la secónda vòlta 'n óm cundanâ a mòrt par di masamènt ABCnews.com, 17 ad Setémbar dal 2010