Entaméba
|
C'l artìcul chè 'l è scrit in
Miranduléś |
L’Entaméba l'è n'améba ch'la n gh'à mia biśógn d'l usìgèn par vìvar e ch'la s cata cuma parasìta patògen (cuma la Gingivalis o l’Istulìtica) o cumensàł (cuma la Còli o la Dìspar) in di còrp dal bèsti o in d'l óm.
Sōl la prima l'è periculóśa, specialmènt l’Istulìtica (che literalmènt a vōl dir „distrutōr ad tesû“) ch'la pōl far vgnir un brut mâł ciamâ Amebìaśi e ch'la culpìs, a s créd, sinquànta migliòṅ ad parsòni in tut al mónd.
A part l’Entaméba Gingivalis (ch'la viṿ in dal gingìvi) tut chi atri i s càt'n in dal budèli e i èṅ dimóndi pìculi. Al “trufuśòid” (l’Entaméba dvintàda granda) al gh'à 'n diamétar ad 10-20 μm a 'l incìrca e al magna di batēr specialmènt. Al s multìplica dvidénd-'s in dū e al fà dal cisti a part l’Entaméba Gingivalis. A secónda dal spéci, la pōl avér òṅ, quàt'r o òt nùccleo.
Àtar prugèt
Wikiquote contiene citazioni di o su Entaméba
Wikimedia Commons contiene file multimediali su Entaméba
