Enòtri

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

I abitànt antîg edla penìśla itàlica, coi grēc ch'i gnìv'n in sà in dl'etê dal Fêr e i tulìv'n el tèri dla punta dal Stivêl.

'L Enòtri (Enotro in itagliàṅ, Οἴνωτρος in grēc), in dla mitulugìa gréca, 'l è ùn di sinquànta fiōl dal Licaòun e dla Silèina.

Dersêt generasiòun prìma dla Guèra 'd Tróia, quand p'r i sinquànta fradē 'l era óra 'd divìd'r-es el tèri ereditèdi dal Peloponēś, 'l Enòtri ch'l era 'l più cìc, al 'n avrèv ciapê na fetlèina minga grósa. Dòunca chilò 'l avrèv acsè tolt al mêr cun só fradêl Peucèsi e 'l sarèv rivê in dla Baśitàglia, indû 'l sarèv edvintê 'l inisiadōr edla gint di Enòter e dê 'l só nòm ala tèra 'd Enòtria, corespondèinta 'n pô ala Calàbria 'd incō.[1][2]

Vóś lighèdi

Noti e referèinsi

  1. (GRE) Stòria ed Ròma arcàica dal Dionîś 'd Alicarnâs, I, 11, 2-4; 12, 1, prìm sécol prìma 'd Crìst.
  2. (IT), (FR), (EN) « Identificazione degli Enotri », dal Salvatore Bianco e Addolorata Preite, in "Mélanges de l'École française de Rome - Antiquité", mìs in réda al 18 dicèmber 2014, consultê 'l 9 ed mêrs 2016.

Èter progêt

Colegamèint estèren