Emmanuel Macron

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Macron tòlt śò in dal 2018 insém a sò mujēr, la Brigitte


Emmanuel Jean-Michel Frédéric Macron, cgnusû méj cuma Emmanuel Macron (Amiens, 21 ad Dicémbar dal 1977, a s lèś [ɛmanɥɛl makʁɔ̃] in francéś) 'l è 'n funsiunàri e pulìtic francéś, presidènt dla repùblica francéśa da 'l 14 ad Maǵ 2017 quànd 'l à ciapâ 'l pòst dal sucialìsta François Hollande baténd a 'l balutàǵ la Marine Le Pen c'n al 66,1% di vōt.

Emmanuel in dal Luj dal 2017

Da 'l 2007 'l è spuśâ cun la sò èx insgnànta 'd létri e latìn dal lìceo, la Brigitte Trogneux. Macron 'l iva tacâ na relasiòṅ sèg da i tèmp dla scōla quànd lò al gh'iva séd'ś an e lē quarànt'òṅ.

Dòp na làurea in filuśufìa in dal 2004 e di studi a la scōla nasiunàla 'd aministrasiòṅ, in dal 2008 'l à tacâ a lauràr cuma funsiunàri a la banca 'd afâr Rothschild & Co..

In dal 2014 al s è impgnâ in pulìtica faghénd al minìstar dl'Ecunumìa, dl'Indùstria e dal Digitàł in dal secónd guèr'n ad Manuel Valls. In séguit 'l à mulâ cla carga lè in dal 2016 par fundàr un partî pulìtig tut suo ad sèntar ciamâ En Marche ! e preśentàr-as pò a gl'Elesiòṅ presidensiàli francéśi dal 2017 ch'l à vins cóntar la candidàda dla dèstra péśa Marine Le Pen.

Culegamènt estéran