Elesiòṅ in dal sèst distrét cungresuàł dla Geòrgia dal 2017

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Jon Ossoff


Al prim tùran dgl’Elesiòṅ in dal sèst distrét cungresuàł dla Geòrgia dal 2017 i gh'èṅ stadi 'l 18 'd Avrìl dal 2017 par numinàr al deputâ ch'al gh'iva da tōr al pòst dal republicàṅ Tom Price numinâ in cal méntar Segretàri dla Salùt e di Servìsi Umàṅ di Stat Unî al 10 ad Favràr dal 2017 p'r al presidènt Donald Trump.

Gl'abitànt ad soquànt quartēr a nòrd dla sità 'd Atlànta e dintóran, in dal stat cunservadōr dla Geòrgia, i gh'ìvan dònca da turnàr a sarnìr al sò deputâ sinc méś dòp avér vutâ, al stés dè dl'elesiòṅ ad Trump presidènt, par Price c'n un vantàś su 'l demucràtic Rodney Stooksbury ad piò ad vint-a-tri punt (61,68% cóntar 38,32%).

Al sèst distrét cungresuàł dla Geòrgia

Al partî republicàṅ 'l à candidâ ùndas sò rapreśentànt, al partî demucràtic sinc. Esénd che ninsòṅ ad chi lōr al gh l'à cavàda a muciàr sù da piò dal 50% di vōt, al règhli dal distrét i dìśan ch'a gh'è da far un balutàǵ al 20 ad Śugn fra i dū più vutâ ch'i èṅ al demucràtic Jon Ossoff (48,1%), batśâ dal vòlti cuma 'l “Barack Obama nóṿ”[1] da i suo, e la republicàna Karen Handel (19,8%), c'n i dū partî ch'i èṅ a 'l incìrca para.

Al riśultâ dal balutàǵ 'l à vdû vìnsar la Handel su Ossoff c'n al 52,7% di vōt. La candidàda republicàna 'l à vins in dal cuntèi 'd Cobb (58,15%) e 'd Fulton (52,72%) mént'r al demucràtic al l'à spuntàda sōl a DeKalb (58,44%).

Nòti