Elesiòṅ in dal culéǵ ad Brecon e Radnorshire dal 2019

Da Wikipedia.

C'l artìcul chè 'l è scrit in Miranduléś Emiliàn

Al culéǵ eleturàl galéś ad Brecon e Radnorshire
La Jane Dodds
Chris Davies


Gl’Elesiòṅ in dal culéǵ ad Brecon e Radnorshire dal 2019 i gh'èṅ stadi 'l prim 'd Agóst dal 2019 in Gàles p'r elèś'r un rapreśentànt a la Cambra di cumùṅ dal parlamènt dal Régn Unî, pòst armàś vacànt a séguit dal dimisiòṅ, dmandàdi par na racòlta 'd firmi fra la gint, dal cunservadōr Christopher Davies p'r un scàndal su 'l spéśi parlamentàri dal pulìtig.

In di elesiòṅ ad dū an prima Davies 'l iva vins al culéǵ magiuritàri muciànd sù al 48,6% di vōt dastacànd ad dagnóra vint punt al sò rivàł più davśèṅ, al liberàł-demucràtic James Gibson-Watt, férum a 'l 29,1%.

Cun na partecipasiòṅ dal 59,72% di vutànt, gl'eletōr galéś i aṅ arbaltâ 'l riśultâ faghénd elèś'r a 'l sò pòst la Jane Dodds, di liberài-demucràtic, c'n al 43,46% cónt'r al 38,98% dal cunservadōr. Chi àtar partî i aṅ catâ sù 'l briśi: Des Parkinson dal partî dla Brexit al 10,47% mént'r al laburìsta Tom Davies sōl al 5,28%.

La vinsidōra Dodds l'à invidâ al prim minìstar Boris Johnson a «muclàr-la ad śugàr c'n al futûr dal nóstri cumunità e 'd esclùdar na Brexit sénsa acòrd».

C'n al séǵ pardû da i cunservadōr, la magiurànsa a 'l Parlamènt p'r i tories adès l'è a risć esénd sōl 'd un deputâ.