El abrazo de la serpiente

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg El abrazo de la serpiente
Abrazo de la serpiente.png
Nilbio Torres in na figùra dal film
La brasàda dal sarpènt
2015
Regia: Ciro Guerra
Scritùr: Ciro Guerra • Jacques Toulemonde Vidal
Richard Evans Schultes • Theodor Koch-Grünberg
Atùr: Nilbio TorresAntonio BolivarJan Bijvoet
Brionne DavisMiguel Dionisio Ramos
Müsica: Nascuy Linares
Lengua: SpagnōlCubèoTedéscPurtughéś
TicùnaWanàṅIngléśLatìnUitòtoCatalàṅ
Dürä dal film: 125 minüt
Nasiòṅ: CulómbiaArgintìnaVenesuéla


«
N'esperiénsa viśìva e 'n viàś ad dèntar mai vist.»
(Tagline dal film)


El abrazo de la serpiente (La brasàda dal sarpènt) 'l è 'n film dramàtic e 'd aventùra in biànc e négar dal 2015 ad Ciro Guerra, trat da i diàri 'd Theodor Koch-Grünberg e 'd Richard Evans Schultes.

La pelìcula, candidàda a i Prèmi Òscar dal 2016 cuma mijōr film furastēr, l'è stada preśentàda a 'l 68śum Fèstival ad Cannes in dla sesiòṅ „Quinzaine des Réalisateurs“ in du l'à vins al prèmi Art Cinéma. In tut l'à muciâ sù tri migliòṅ e quàt'r ad dòlar dòp ès'r-an custàda òṅ e quàtar.

Sunt

A 'l inìsi dal XX sécul, al prufesōr tedésc Theo von Martius (Jan Bijvoet), in Amaśògna par di studi, 'l è in fiṅ 'd vita parchè 'l à ciapâ 'n brut mâł ch'l al fà tarmàr e ch'al gh'à fat arbasàr al fòrsi. Cumpagnâ in canòa par Manduca (Miguel Dionisio Ramos), un séruv liberâ da na piantagiòṅ ad caucciù par far la guma, al dmanda ajùt a 'n salvàdag dal pòst, Karamakate (Nilbio Torres), ch'al prév avēr-ag na quàlc èrba bòna par curàr-al. Chi lò, ch'al n è minga tant dl'idéa 'd misćiàr-as cun 'l óm biànc, al gh sùpia in dal naś na pólvra biànca ciamàda “la scménsa dal sōl” ch'l'al tira sù 'n pôc ma pò al gh diś che, par guarìr-al, a gh sarév d'andàr a catàr la piànta Yakruna.

Dimóndi an dòp, dvintâ vèć, Karamakate (Antonio Bolivar) al vîṅ in cuntàt c'n un butànig americàṅ ciamâ Evan (Brionne Davis) ch'al gh diś ch'l è lè par finìr i studi ad Theo.

Culegamènt estéran