El Cajon

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Un cartèl ch'al diś ch'at sē rivâ a 'l sèntar 'd El Cajòn


El Cajon (a s lèś /ɛlkəˈhoʊn/ in ingléś) l'è na sità dal sud dla Califòrgna ch'la s cata a vint-sèt km a èst ad San Diego, in dla cuntèa ad San Diego. Al sò nóm al gh'à di urìgini spagnōli, minga emigliàni, e 'l vōl dir „Al scatlòṅ“ o anc „Al casét“. La sità, fundàda in dal 1912, la s cata in na val sircundàda da muntàgni tut dintóran.

La mùcia sù sènt-mila abitànt a 'l incìrca par na superfìsi ad 2.733,01 km². Al sò clima 'l è mediteràni.

Gl'abitànt 'd El Cajon, dimóndi i daśvìnan da 'l Iràq, i èṅ i più pòvar dla cuntèa (al 29,7% di grand e 'l 36,5% di putèṅ). A 'l cungrès di Stat Unî i s fànan rapreśentàr par di republicàṅ.

Al quàtar vòlti mdaja 'd òr di tuf a gl'Ulimpìadi Greg Louganis 'l è nâ chè.

Culegamènt estéran