Drag me to Hell

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Drag me to Hell
Drag me to Hell
Drag me to Hell.png
La Lorna Raver in na figùra dal film
Tir-'m adrē a 'l Infèran
2009
Regia: Sam Raimi
Scritùr: Ivan Raimi • Sam Raimi
Atùr: Alison LohmanJustin LongLorna Raver
David PaymerDileep RaoAdriana Barraza
Müsica: Christopher Young
Lengua: IngléśSpagnōl
Dürä dal film: 99 minüt
Nasiòṅ: Stat Unî


«
La sò vita la parìva parfèta ma in tri dè la dvintarà 'n Infèran.»
(Tagline dal film)


Drag me to Hell (Tir-'m adrē a 'l Infèran) 'l è 'n film ad scarésa americàṅ dal 2009 ad Sam Raimi ch'l à vins al prèmi par la pelìcula horror fata méj a i Saturn Awards dal 2010. Inóltar 'l è stâ preśentâ a 'l 62śum Fèstival ad Cannes in dla sesiòṅ “Prujesiòṅ ad Mèśanòt”.

Custâ trénta migliòṅ ad dòlar a 'l incìrca, al 'n à pò purtâ a cà da piò ad nuànta.

Sunt

La Christine Brown (Alison Lohman) la lavóra in banca in 'n ufìsi ch'al dà in prèst di bèsi a la gint. Un dè a riva da lē na vècia sigàgna, la Sylvia Ganush (Lorna Raver), ch'la gh dmanda 'n ajùt parchè i èṅ drē a purtàr-ag via la cà da 'l mumènt ch'la fà fadìga a pagàr al rati dal mutṿo avénd-ag lē 'n prubléma a 'n òć. Al diretōr d'l istitùt ad crèdit Jim Jacks (David Paymer) al gh lasa la deciśiòṅ e lē, ch'la vōl na prumusiòṅ fargànd-la a 'l sò culéga Stu Rubin (Reggie Lee), la fà la vóś grôsa sèg e la la manda via. La vècia la gh la cava però a sćiancàr-ag via 'n butòṅ da 'l giachét e a maladìr-al acsè da butàr-'g adòs l'arlìa dal dèmun Lamia.

Quànd i tàc'n a sucédar di fat strâṅ e spavintóś, lē la s fà purtàr da 'l sò muróś Clayton Dalton (Justin Long) dit "Clay" da 'n sensitìṿ ad nóm Rham Jas (Dileep Rao) ch'al gh diś ch'l'è stada maladìda e che fra tri dè la Lamia la la traś'rà śò a 'l Infèran. La ragàsa la próa a dmandàr pardòṅ a la sigàgna ma quànd la riva a cà sua la sò anvōda Ilenka (Bojana Novakovic) la la fà vgnir dèntar sōl par far-ag védar ch'l'è bèla mòrta e la gh àvgura tut al mâł pusìbil.

Par pruàr a paràr via 'l sò destîṅ la Christine, anc s'la vōl bèṅ dimóndi a 'l bèsti, la fà 'n sacrifìsi cupànd al sò gatèṅ ma a n cónta gnint. Rham la la pòrta alóra da na medium puténta, la Shaun San Dena (Adriana Barraza), par pruàr a masàr al dèmun ma a n gh'è gnint da far anc parchè a la dóna a gh vèṅ un cōlp séc. A gh'è sōl na manéra dònca par scampàr-la: catàr òṅ ch'al tóga 'l sò pòst rigalànd-'g al butòṅ maladî prima che la Lamia la la véggna a tōr.

Culegamènt estéran