Donne mortali
|
C'l artìcul chè 'l è scrit in
Miranduléś |
 Deadly Women
| ||
| Donne mortali | ||
| ||
| Dóni murtàli 2005/incō | ||
|---|---|---|
| Gènar: Docufiction | ||
| Stagiòṅ: 11 | ||
| Epiśòdi: 157 | ||
| Regìa: Chris Thorburn | ||
| Scritōr: / | ||
| Atōr: Candice DeLong • Janis Amatuzio • Diane Fanning | ||
| Mùśica: Christopher Elves | ||
| Duràda: 45 minùt | ||
| Léngua: Ingléś | ||
| Nasiòṅ: Stat Unî • Austràglia | ||
Donne mortali (Dóni murtàli) l'è na docufiction americàna dal canàł Investigation Discovery ch'la dascór ad fat ad sangṿ sucès dabòṅ mis in òpra da dal dóni in di cunfrònt di sò parènt o amìg in generàł. Na puntàda la cònta 'l vicéndi ad tri dóni sasìni difarènti.
A s trata 'd dóni sénsa cōr e dimóndi catìvi, muróśi gelóśi ch'i n s cumpatìsan pròpria briśa 'd èsar la secónda sièlta, ch'i pènsan sōl par lōr, a far-as mantgnìr sénsa far gnint o a far la bèla vita pinsànd sōl a i bèsi, ch'i n vōlan bèṅ a ninsòṅ, gnanc a i sò putèṅ, dóni purcùsi ch'i śōgan cun la vita 'd chi àtar, ragàsi alśēri ch'i dvèntan rabìdi quànd i capìsan ch'la fèsta l'è finìda parchè quànd al ròbi i n gìran minga p'r al vèrs giùst, qualchidòṅ al gh'à da cagàr-la s'al fus in bras a Dio.
Dal prugràma i èṅ stadi giràdi ùndas stagiòṅ par sènt-sinquànta puntàdi e pasa in tut a vgnir a 'dès ma, vist al sucès dla traśmisiòṅ, la série l'è drē a cuntinuàr incóra.
In Itàglia la série l'è traśmìsa p'r i canài dal grup Discovery Italia cuma Real Time e Nove.
In dal prugràma i persunàǵ dal stòri i èṅ interpretâ da di atōr e 'l vicéndi i èṅ cuntàdi in studi da di parènt o di amìg di prutagunìsta, da di espèrt e da la criminòluga, èx mémbra d'l FBI, Candice DeLong ch'la fà 'l punt dal vicéndi.
A la fiṅ dla puntàda a s vîṅ a savēr anc quàl è stada la punisiòṅ dada da i giùdas p'r al crìmin fat.