Dirty Love - Tutti pazzi per Jenny

Da Wikipedia.
Dirty Love
Dirty Love - Tutti pazzi per Jenny

Guillermo Díaz e la McCarthy in na figùra dal film
Amōr spurcaciòṅ - Tut mat par la Jenny
2005
Regìa: John Asher
Scritōr: Jenny McCarthy
Atōr: Jenny McCarthyEddie Kaye Thomas
Carmen ElectraVictor WebsterGuillermo Díaz
Kam HeskinJessica CollinsDavid O'Donnell
Müsica: D.A. Young
Léngua: Ingléś
Dürä dal film: 91 minüt
Nasiōṅ: Stat Unî


«
T aṅ-i mulàda?»
(Tagline dal film)


Dirty Love - Tutti pazzi per Jenny (Amōr spurcaciòṅ - Tut mat par la Jenny) l'è na cumèdia americàna dal 2005 ad John Asher, in alóra marè dla prutagunìsta e scritōra dla pelìcula, la Jenny McCarthy.

Al film 'l à vins quàtar Razzie Awards in dal 2005, in dal categurìi film lòfi, atōra prutagunìsta lòfi, senegiatùra lòfi e regìsta lòfi méntar la Carmen Electra l'è stada batùda par la Paris Hilton cuma atōra minga prutagunìsta lòfi p'r al film La maschera di cera.

Cl'òpra chè l'à fat sù trénta-siēmìla dòlar in di cìnema americàṅ.

Sunt

La Rebecca Sommers (Jenny McCarthy) l'è na puta dasfurtunàda in amōr. Un dè, turnàd a cà, la bèca 'l sò muróś Richard (Victor Webster), mudèl ad mistēr, gusàr na dóna in dal lèt. Tut i sò sógn i sa sćiànc'n in mila pès acsè cuma 'l sò màchini futugràfichi, che lē la dróa par lavōr, śbragàdi da Richard méntar lē l'éra via.

Insém a 'l sò amìghi, la Michelle Lopez (Carmen Electra) ch'la gh'à 'n sènt'r estètig e la Carrie Carson (Kam Heskin), na ragàsa ch'la vrév far l'atōra anc s'l'è na siuchìna patintàda, la strulga 'n piàṅ par vindicàr-as dal sò èx, qvél ad far-as catàr da lò insém a 'n àt'r óm saénd ch'l è gelóś mat.

Purtròp i masć ch'la sarnìs i gh faṅ far sōl dal bruti figùri sèg parchè al regìsta Mylo (Bob Glouberman), un tisi a la Woody Allen, al gh gòmita adòs, Jake (David O'Donnell) invéci al vōl far-al strâṅ druànd di pés a lèt e 'l prestigiadōr Tom Houdini (Guillermo Díaz) al la fà finìr in parśòṅ.

A pinsàr-ag bèṅ la Rebecca 'n óm giùst par lē la gh 'l arév anc: al sò amìg John (Eddie Kaye Thomas).

Culegamènt estéran