Dipartimèint dal Cròstel
|
C'l artìcul chè 'l è scrit in
Arzân |
Al Dipartimèint dal Cròstel ( Dipartimento del Crostolo in italiân) l'é stê, fra j ân 1797 e 1815, un dipartimèint ed la Repóblica Cispadâna, ed la Repóblica Ciṣalpèina, ed la Repóblica Italiâna (1802 – 1805) e a la fîn dal Règn d' Itâlia. Al nòm al deşvîn dal torèint Cròstel e ch' l' à 'vû cme cèinter principêl Rèz
Stôria
Al dipartimèint l'é stê fât al 5 de znêr 1797 a sègvit ed la costitusiòun ed la Repóblica Cispadâna e pó unî a la Repóblica Cişalpèina dôp l'uniòun di dû èint.
L' à pêrs i teritôri meridionêl (Mâsa, Carêra e la Garfagnâna) al 1 mâg 1806, dê al pricipêt ed Lóca. Al 24 mâg ed l'istès ân l'à tôt dèinter al principêt ed Guastâla, stachê dal duchêt ed Pèrma al 30 ed mêrs 1806 e dê da Napoleòun a só surèla Paolina Buonaparte e da lē vindû a l'Itâlia.
Int l' agòst dal 1811 al Dipartimèint dal Cròstel l'unés soquânt cmûn stachê dal dipartimèint dal Târo, francèiş, mó a n' in perdrà a só vôlta soquânt êter (la vîce prefetûra 'd Aóla), dê al dipartimèint 'd j Apenèin, francèiş ânca ló.
Al Dipartimèint l'é stê turnê a fêr tra l'avrîl e al mâg 1815 a sègvit ed l'arcunquésta 'd zôni dal Règn d'Itâlia per ôvra ed Gioacchino Murat.
Materiêl pr'andêregh in fònda
(manca):
- Mario Mazzaperlini - La lotta all'analfabetismo nel Dipartimento del Crostolo : insegnamento ed organizzazione della scuola elementare reggiana dal 1796 al1814; prefazione di Ugo Bellocchi. - Reggio Emilia : Poligrafici, 1969
- Clelia Fano - La società d'arti meccaniche e quella d'agricoltura nel dipartimento del crostolo - Reggio Emilia : Istituto Editoriale Librario Emiliano, 1928