Dichiarasiòun universèla di dirìt edl òm

Da Wikipedia.

C'l artìcol chè 'l è scrit in Carpśàn Emiliàn

La Leanòr Roosevelt drē a guardèr la stanpa edla Dichiarasiòun di Dirìt edl Òm in dal '49.

La Dichiarasiòun universèla di dirìt edl òm (Universal Declaration of Human Rights in ingléś), l'è na deliberasiòun in sìm'ai dirìt edl òm che tùti el Nasiòun e i agìnt edla Tèra i gh'avrèven da 'rivèr a tōr dàint'r in dal só reghli per dvintèr edla ginta civìl.
L'è stèda scrìta in dl'Asemblèa Generèla dal Nasiòun Unìdi ch'a s era tgnû in dal 10 ed dicèmber dal 1948 cun l'arcmandasiòun a 'l só segretàri ed fèrla tradùr minga sōl in dal sinc lingvi uficèli dal Nasiòun Unìdi, mo anca in tùti chegli ètri lingvi pusìbil imaginàbil, per vìa 'd fèrla cgnùser e mandèrla in tùt i cantòun edla Tèra.


«
Tut i èser umàn i nasen lìber e cumpàgn in dla dignitê e in di dirìt. Chelōr i gh'àn la ragiòun, la cusìnsia e i déven fèr i ùn cun chièter cun dal spirit ed fraternitê.»
(Al prìm Artìcol edla Dichiarasiòun, scrit in carpśàn.)

Vōś lighèdi

Èter progèt

Colegamèint estèren