Diéta dimagrànta

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

Na parèda ed fruta e verdùra, sèinper 'd aiùt in na diéta.
Na caricatùra ed metê Otsèint in sìm'a di mègher e di ciciòun.

(Lēś anca eli avertèinsi generèli a 'l riguêrd di cuntgnû di artìcol dla Wikipedia)


La diéta dimagrànta l'è na manéra 'd magnèr ch'i tinen adrē i agìnt ch'i gh'àn da perdèr dal pēś.

Per calèr soquànt kìlo ed pēś, ùna dal manéri, dòp quèla ed fadighèr dimòndi coi mùscol, l'è pròpia quèla ed mètres lè a tgnìr adrē a 'n magnèr pòc calòric, vōt perchè a s magna pòc dabòun, o ch'a s lasa perder ed magnèr dla roba grasa, o dla roba cun dimòndi sùcher o cun dimòndi àmid.
Magnèr pò dal verdùri 'l aiùta perché el só fìbri i ardùśen 'l asorbimèint del sostànsi in di budē, damànd ch'a s ìs magnê 'n pô méno. Al bèver dl'aqua pò 'l è sacrosànt, perchè anc queschè 'l jùta a tōr vìa del sostànsi ed schèrt.

L'è cèra che tgnìr adrē a śmagrìr 'l è méj ch'la n'dvèinta minga n'idéa fìsa, perché ala lunga, al fìśic al prèv andèr in arìsć ed rasćèr al fonda, che ala lunga, a s vaga a perder e bruśèr vìa anca el sustànsi vitèli, indispensàbil per tgnìr a bòta in dal fadìghi ed tut i dè.
El persòuni anorèsichi i ìn pròpia quìli ch'i àn fat edla diéta dimagrànta la só fìsa più gròsa, ch'a nn'egh basta mài ed cuntinvèr a perder di kìlo.

Manéri 'd dìr

  • (CARPŚ) 'T î mègher come 'n stèc! (IT) Sei magro come uno stecco!

Vōś lighèdi

Èter progèt

Colegamèint estèren

  • (IT) Un sit ch'al descòr dal magnèr cun eqvilìbri.